Navya Rao: సినిమాల్లో అయినా సీరియల్స్ లో అయినా.. ఎందులో అయినా విలన్ పాత్రలు పోషించే వారికి మంచి ప్రాధాన్యత ఉంటుంది. ఒక సినిమాలో హీరోకి అయితే ఎంత ఇంపార్టెన్స్ ఉంటుందో విలన్ కి కూడా అంతే ప్రాముఖ్యత ఉంటుంది. ఇక సీరియల్స్ లో అయితే విలన్ రోల్స్ లో నటించే వారికి మరీ ఎక్కువగా పాపులారిటీ ఉంటుంది. వారు ఆ సీరియల్స్ లో తమ నటనను నిరూపించుకుంటూ అనంతరం సినిమాల్లోకి కూడా వెళుతూ ఉంటారు. ఇక అలా సీరియల్స్ లో దుమ్ము రేపుతూ తనదైన నటన ప్రదర్శించిన వారిలో నవ్య రావు కూడా ఒకరు. సీరియల్స్ లో విలన్ పాత్రలు చేస్తూ నటిగా మంచి గుర్తింపును సంపాదించుకుంది ఈ ముద్దుగుమ్మ.
దాదాపు 11 ఏళ్ల నుంచి టెలివిజన్ ఇండస్ట్రీలో ఉన్న నవ్య అందులో 8 ఏళ్లు తెలుగు సీరియల్స్ లోనే నటించింది. బుల్లితెరపై ఆమె వెల్లనిజం చూసి తిట్టుకున్న వాళ్ళు ఎందరో ఉంటారు. అనంతరం ఈమెని చూసి పలువురు సెల్ఫీలు తీసుకునే రేంజ్కి ఎదిగింది ఈ కన్నడ బ్యూటీ. ఇక తాజాగా నిండు నూరేళ్ల సావాసం సీరియల్ లో మనోహరీ పాత్ర పోషిస్తూ ప్రతి ఒక్కరిని మెప్పిస్తుంది. ఈ సీరియల్ ప్రసారమైన అతి తక్కువ సమయంలోనే మంచి గుర్తింపును సంపాదించుకుంది. ఇక ఈ సీరియల్ లో తన స్నేహితురాలి హస్బెండ్ ని పెళ్లి చేసుకోవాలి అనే ఆశతో ఈమె చేసే విలనిజం అంతా ఇంతా కాదు.
ఇక ఈ సీరియల్ లో ఈమె పాత్రను చూసి ఎందరో తిట్టుకుంటూ ఉంటారు. ఇక తాజాగా రీ లైఫ్ లోనే కాదు రియల్ లైఫ్ లో కూడా తనకు ఒక లవ్ స్టోరీ ఉందని బయటపెట్టింది నవ్య. గతంలో తన భర్తతో జరిగిన పరిచయం పెళ్ళికి ఎలా దారితీసింది అనే ఇంట్రెస్టింగ్ విషయాలని బయటపెట్టింది. ప్రస్తుతం మనుహరి పాత్ర పోషిస్తున్న ఈ ముద్దుగుమ్మంతన రియల్ లైఫ్ లవ్ స్టోరీని బయటపెట్టింది. తాను సీరియల్స్ లో మాత్రమే విలన్ అంటూనే తన లవ్ మ్యారేజ్ ఎలా జరిగింది అని ఆసక్తికర విషయాలను చెప్పుకొచ్చింది. ” ఓసారి ఫ్రెండ్ పెళ్ళికి వెళ్లగా భర్తను మొట్టమొదటిసారి మీట్ అయ్యాను. కామన్ ఫ్రెండ్స్ ద్వారా అలా పెళ్లిలో ఫస్ట్ టైం మేము ఇద్దరం పరిచయం అయ్యాం.
రెండు మూడు రోజుల తర్వాత ఇన్స్టాలో తను మెసేజ్ చేశాడు. అయితే సాధారణంగా నేను మెసేజ్ లకు రిప్లై ఇవ్వను. కానీ డెస్టినీ కారణంగా అతడికి మెసేజ్ చేయడంతో నెమ్మదిగా మా మధ్య స్నేహం ఏర్పడింది. ఇక దాదాపు 9 నెలలు అలాగే మెసేజ్లు చేసుకుంటూ గడిపాము. 8 నెలల డేటింగ్ తర్వాత 9 నెలలకే పెళ్లి చేసుకోవాలని డిసైడ్ అయ్యాము. ఇక నా భర్త పేరు వరుణ్. అయన సాఫ్ట్వేర్ ఇంజనీర్. ఇక నాకు వంట చేయడం అంటే చాలా ఇష్టం. ఖాళీగా ఉన్న సమయంలో వంట చేస్తా ఉంటా. సీరియల్స్ షూటింగ్స్ లో అప్పుడప్పుడు నా భర్తతో కలిసి హైదరాబాద్ లోనే ఉంటాను. గ్యాప్ వచ్చిందంటే బెంగళూరుకు వెళ్ళిపోతాము. ఒకవేళ కనుక వారం గ్యాప్ ఇస్తే నాలుగు రోజులు అత్తగారింట్లో మరో నాలుగు రోజులు తల్లి గారి ఇంట్లో ఉంటాము ” అంటూ చెప్పుకొచ్చింది సీరియల్ నటి నవ్య. ప్రస్తుతం ఈ ముద్దుగుమ్మ వ్యాఖ్యలు సోషల్ మీడియాలో ఫుల్ వైరల్ అవుతున్నాయి.
Siri Hanumanthu: సిరి కి ఆఫర్లు కోసం అటువంటి పనులు చేసేది.. బుల్లితెర నటుడు నూకరాజు ఇంట్రెస్టింగ్ కామెంట్స్..!