తన టాలెంట్ తో తనకంటూ ఓ గుర్తింపు తెచ్చుకున్న ఆదిత్య నారాయణ్ తన వివాహంపై క్లారిటీ ఇచ్చారు. ప్రభాస్ రాఘవేంద్ర సినిమాలో హీరోయిన్ గా నటించిన శ్వేతా అగర్వాల్ ని త్వరలోనే పెళ్లి చేసుకోనున్నట్టు ఆదిత్య నారాయణ్ తెలిపారు. అయితే వారిరువురిపై పుకార్లు రావడంతో దానికి ఆయన వివరణ ఇవ్వాల్సి వచ్చిందని పేర్కొన్నారు. తమ బంధాన్ని ఎప్పుడూ రహస్యంగా ఉంచాలనుకోలేదని ఆయన తెలిపారు.
2010 లో విడుదలై హీరోగా మంచి గుర్తింపు తెచ్చిన శాపిత్ మూవీలో అదిత్ నారాయణ్, శ్వేతా అగర్వాల్ కలిసి నటించారు. ఈ మూవీలో వారిరువురు ఒకరిపై ఒకరు మనసు పారేసుకున్నారని తెలియజేశారు. ఆ బంధమే పెళ్లిపీటలెక్కనుందని ఆయన వివరణ నిచ్చారు.
వయసు రీత్య, కెరీర్ లో ఎంకా ఎదిగేది ఉందని తమ పెళ్లిని వాయిదా వేసినట్టు చెప్పిన ఆదిత్యకు గతంలో ఇండియన్ ఐడల్ హోస్ట్ గా ఉన్న సింగర్ నేహా కక్కర్ తో సంబంధం ఉన్నట్టు వార్తలు వచ్చాయ్. అయితే ఏమైందో తెలియదు కానీ సడన్ గా శ్వేతా అగర్వాల్ ను పెళ్లి చేసుకుంటున్నట్టు వివరణ ఇచ్చాడు ఆదిత్య నారాయణ్.
పదేళ్ల ప్రేమ ప్రయాణం తర్వాత ఈ ఏడాది చివర్లోనే శ్వేత మెడలో తాళి కట్టనున్నట్టు అదిత్ నారాయణ్ పేర్కొన్నారు. స్టార్ గా, సింగర్ గా, హోస్ట్ గా రాణిస్తున్న ఆదిత్య నారాయణ్ పెళ్లి ముచ్చట బాలీవుడ్ లో విశేషంగా మారింది. అతనిపై వస్తున్న రూమర్లకు ఆయన దీనితో తెరదించారు.