మెహబూబ్ ఎలిమినేషన్ ఎపిసోడ్ ఈ సీజన్ బిగ్ బాస్ కి మోస్ట్ ఎమోషనల్ ఎలిమినేషన్ ఎపిసోడ్ గా బయట జనాలు చెప్పుకుంటున్నారు. అసలైన ఎలిమినేషన్ కంటే ఈ ఎపిసోడ్ కి చాలా మంది వీక్షకుల కంటి లో నుండి ఆఖరికి స్టేజిపై ఉన్న నాగ్ తో సహా భావోద్వేగానికి గురి అయినట్లు ఆదివారం ఎపిసోడ్ కనిపించింది.
ఆదివారం ఇంటి సభ్యులకు ఫన్ డే కావటంతో హోస్ట్ నాగార్జున ఇంటి సభ్యులను ఆటపాటలతో రకరకాల టాస్క్ లతో ఆడించారు. అలా గేమ్ లు ఆడిస్తూనే మరోపక్క ఎలిమినేషన్ కి నామినేటెడ్ అయిన సభ్యుల ఎలిమినేషన్ ప్రక్రియ ప్రారంభించారు. దీనిలో భాగంగా అభిజిత్ కి ఓ కవర్ ఇచ్చి అందులో ఎవరు పేరు ఉందని అడగగా… దానిలో అరియనా పేరు ఉన్నట్లు చెప్పటంతో ఆమె సేఫ్ అయిపోయింది.
ఆ తర్వాత సినిమా గేమ్ లాడించిన నాగార్జున మిగిలిన కంటెస్టెంట్ లు చేతికి గంట ఇచ్చి ఎవరు గంట మోగిస్తే వారు సేఫ్ అనటంతో ఆ సమయంలో మోనాల్ చేతిలో గంట మోగడంతో ఆమె సేఫ్ అయ్యారు. ఆ తర్వాత హారిక సేఫ్ అయింది. ఇక చివరాకరికి మిగిలింది మెహబూబ్ మరియు సోహెల్ ఉండటంతో హౌస్ తో పాటు చూస్తున్న వీక్షకుల లో టెన్షన్ నెలకొంది. ఈ క్రమంలో ఇద్దరి చేతికింద లైట్లు పెట్టి ఎవరి చేతి కింద రెడ్లైట్ వెలుగుతుందో వారు ఎలిమినేట్ అవుతారు అనగా… మెహబూబ్ దగ్గర ఉన్న లైట్ రెడ్ లైట్ లాగా వెలగటం తో ఒక్కసారిగా ఇంటి సభ్యులు అంతా షాక్ అయిపోయారు. బెస్ట్ ఫ్రెండ్ కావడంతో సోహైల్ ఐతే మరీ చిన్న పిల్లవాడి లాగా మారిపోయి ఏడవటం స్టార్ట్ చేశాడు. దీంతో ఇంటి సభ్యులలో భావోద్వేగం ఒక్కసారిగా నెలకొనడంతో సోహెల్.. మెహబూబ్ ని గట్టిగా కౌగలించుకుని కన్నీటి పర్యంతమయ్యాడు. ఆ విధంగా ఏడుస్తూ మెహబూబ్ హౌస్ మేట్స్ అందరితో ఫోటో దిగి బయటకు వచ్చారు. ఈ క్రమంలో స్టేజిపైకి మెహబూబ్ వచ్చిన సమయంలో నాగార్జున కూడా భావోద్వేగానికి గురి అయినట్లు తెలుస్తోంది. అనంతరం ఇంటి సభ్యులతో మాట్లాడిన మెహబూబ్ ప్రతి ఒక్కరు జాగ్రత్తగా ఆడాలని వాళ్ళ గేమ్ గురించి సూచనలు ఇస్తూ హైలెట్ గా బిగ్ బాస్ హౌస్ లోనే ఎలిమినేషన్ విషయంలో మెహబూబ్ నిలిచాడు .