Samantha: టాలీవుడ్ ఇండస్ట్రీలో మోస్ట్ వాంటెడ్ హీరోయిన్లలో ఒకరైన సమంత ఎలాంటి పాత్రలోనైనా ఇట్టే ఇమిడిపోతుంది. ఈ విధంగా ఎన్నో విభిన్న పాత్రలలో నటించి ఎంతో మంది ప్రేక్షకులను సంపాదించుకున్న సమంత ఆమె నటించిన ‘ది ఫ్యామిలీ మ్యాన్‌-2’ అనే వెబ్ సిరీస్ ద్వారా డిజిటల్ స్క్రీన్ పై ఎంట్రీ ఇవ్వనున్నారు. ఇక సమంత ప్రస్తుతం కోలీవుడ్‌లో తెరకెక్కుతున్న ‘కాతువక్కుల రెందు కాదల్‌’ సినిమా చిత్రీకరణ కోసం చెన్నై వెళ్లారు.
ప్రస్తుతం చెన్నై లో ఉన్న సమంత ఇన్‌స్టా వేదిక ద్వారా అభిమానులతో కాసేపు ముచ్చటించారు. ఈ సందర్భంగా సమంత మాట్లాడుతూ చెన్నై నగరాన్ని ఎంతగా మిస్సయ్యానో ఇన్నిరోజులు అర్థం కాలేదు. చాలా రోజుల తర్వాత ఇలా కుటుంబ సభ్యులను కలవడం ఎంతో ఆనందంగా ఉందనీ సమంత తెలిపారు.ఈ సందర్భంలోనే సమంత తన అభిమానులతో కొన్ని ఆసక్తికరమైన విషయాలను పంచుకున్నారు.
ఈ నేపథ్యంలోనే అభిమానులు సమంతను ఇంతవరకు నటించిన పాత్రలో ఇష్టమైనవి ఏమిటి? అని అడగగా అందుకు సమంత ‘ఓ బేబీ’, ‘ది ఫ్యామిలీ మ్యాన్‌-2’ఆ రెండు పాత్రలు ఎంతో నచ్చాయని తెలిపారు. అదేవిధంగా 2020 సంవత్సరం బాగా గుర్తుండిపోయే జ్ఞాపకం రానా_ మిహిక వివాహమని తెలిపారు. ఈ సందర్భంగా నెటిజన్లు చైతన్య ఎప్పుడు ఎందుకని బయట కనిపించడు ఆయన్ని మేము ఆఫ్ స్క్రీన్ లోనే ఎక్కువగా చూడాలనుకుంటున్నాము అని అడగగా అందుకు సమంత ఆ విషయం చైతన్యని అడగాలంటూ సమాధానం చెప్పారు.
సాధారణంగా సమంత తన శరీర ఫిట్ నెస్ పై ఎక్కువ శ్రద్ధ వహిస్తారనే విషయం మనకు తెలిసిందే. ఈ నేపథ్యంలోనే మీరింత ఫిట్ నెస్ లవర్ గా మారడానికి కారణం ఏమిటి? అనగా అందుకు సమంత… ఇప్పటి వరకు ఎవరికీ చెప్పని అతి పెద్ద రహస్యాన్ని చెబుతున్నాను అంటూ… చై ని కలవడం కోసమే నేను జిమ్‌లో చేరానని, ఆ విధంగా మొదటి సారి జిమ్ కి వెళ్లడం ప్రారంభించానని చెబుతూ సమంత అభిమానులతో ముచ్చటించారు.