Weight loss: ఆసనాలలో ఉన్న గొప్పతనం ఏమిటంటే, ఏ భాగం లో క్రొవ్వు ఎక్కువగా ఉన్న తగ్గించుకోవడానికి దానికి సంబందించిన ఆసనాలను వేసిన చాలు. ఇంకా క్లియర్ గా చెప్పాలంటే, పొత్తికడుపు తగ్గడానికి ఉత్థానపాదాసనము అనే దానిని చేస్తే ఆ ఆసనం పొత్తికడుపు పైనే పని చేసి అక్కడ ఉన్న కొవ్వును మాత్రమే తగ్గిస్తుంది.అలాగే పై పొట్ట భాగం తగ్గాలనుకుంటే నౌకాసనం వేయాలి . ఇది పొట్ట పయిన మాత్రమే కరిగేలా చేస్తుంది. లేదా బిగిసేటట్లుగా చేస్తుంది. ఇదే విధం గా సీటు కు ఒక ఆసనం, జబ్బలకు, వీపుకు, ప్రక్కలకు, తొడలకు ఒక ఇలా మనలో కొవ్వు ఎక్కువగా ఉండే అన్ని భాగాలకు సంబంధించిన ఆసనాలు ఉంటాయి. సుమారుగా ఒక పది ఆసనాలు వేస్తే ముఖ్యమైన భాగాల లో పెరిగిన కొవ్వు ను తగ్గించుకోవచ్చు.
1) పొత్తి కడుపు తగ్గించుకోవాలంటే – ఉత్థానపాదాసనం
2) పై పొట్టతగ్గించుకోవాలంటే – నౌకాసనం
3) ప్రక్క భాగం తగ్గించుకోవాలంటే – అర్థమత్స్యేంద్రాసనం/వక్రాసనం
4) వీపు భాగం తగ్గించుకోవాలంటే – భుజంగాసనం
5) సీటు తగ్గించుకోవాలంటే – శలభాసనం
6) తొడలు తగ్గించుకోవాలంటే – సుప్తవజ్రాసనం
7) జబ్బలు తగ్గించుకోవాలంటే – గోముఖాసనం
8) పిక్కభాగం, తొడవెనక భాగం తగ్గించుకోవాలంటే – ధనురాసనం
9) నడుము భాగం తగ్గించుకోవాలంటే – సర్పాసనం/ఉష్ట్రాసనం వేస్తె మంచి ప్రయోజనం ఉంటుంది.
ఎవ్వరు ఏ భాగాన్ని తగ్గించుకోవాలనుకుంటే ఆసనాలను రెండు పూట లా లేదా ఒక పూట వేసి కొవ్వును తగ్గించుకోవచ్చు. ఎవరింట్లో వారు, ఎవరికి అనుకూలమైన సమయంలో వారు ఈ ఆసనాలు వేసుకోవచ్చు. వర్షం పడుతున్నప్పుడు కూడా ఆసనాల కు ఆటంకం రాదు. ఇంకొకరి తోడు అవసరం ఉండదు. ఆసనాలు చేయడం వల్ల నడుము నొప్పులు, మెడ నొప్పులు, డిస్క్ ప్రాబ్లమ్స్ వంటివి రావు . మోకాళ్ళ, మడా ల నొప్పులతో బాధపడే వారు కూడా ఇప్పుడు చెప్పిన ఆసనా ఎలాంటి ఇబ్బంది పడకుండా వేయగలుగుతారు. చాలా మంది ఆసనాల ను వేసి ఫలితం రాక ఆ పేస్తుంటారు. ఫలితం రాలేదంటే ఆసనాలలో దోషంఉంది అని అర్ధం కాదు.ఆసనాలలో వారు చేసిన పొరపాట్లకు వారు సరైన ఫలితాన్ని పొందలేకపోయిందవచ్చు .