Telegram : వాటప్స్ కొత్త ప్రైవసీ పాలసీ నిబంధనల తర్వాత టెలిగ్రామ్ యాప్ డౌన్లోడ్స్ బాగా పెరిగాయి.. తన యూజర్ల ను అధునాతన ఫీచర్స్ తో ఆకర్షిస్తోంది.. టెలిగ్రామ్ యాప్ లో ఇప్పుడు కొత్తగా మరొక ఫీచర్ ను యాడ్ చేసింది.. ఆటో డిలీట్ ఫీచర్ అనేది ఎవరైనా వినియోగదారులు పంపిన మెసేజ్ లను నిర్దేశించిన కొంత సమయం తర్వాత దానంతటదే తొలగించేస్తుంది..
ఈ ఫీచర్ ఇంతకుముందు సీక్రెట్ చాట్స్ లో మాత్రమే అందుబాటులో ఉండేది.. అయితే ఇప్పుడు ఈ ఫీచర్ సాధారణ చాట్ లోకి కూడా అందుబాటు లోకి తీసుకు వచ్చింది టెలిగ్రామ్ వినియోగదారులు ఇప్పుడు అన్ని చోట్ల కోసం 24 గంటల నుండి ఏడు రోజుల మధ్య ఆటో డిలీట్ టైమర్ తో మెసేజ్ లు పంపవచ్చు.. ఈ ఫీచర్ గురించి మరిన్ని వివరాలు ఇప్పుడు తెలుసుకుందాం..
* ఆటో డిలీట్ ఫీచర్ లో ఎవరి మెసేజ్ లను అయితే డిలీట్ చేయాలనుకుంటున్నామో , ముందుగా టైం ని సెట్ చేసుకోవాలి.. టైం ని సెట్ చేసుకున్న తర్వాత మెసేజ్ దానంతటదే పంపినవారి, రిసీవర్ యొక్క చాట్ విండో రెండింటి నుండి అదృశ్యమౌతుంది.
*ఈ ఫీచర్ వ్యక్తిగత చాట్ లతో పాటు గ్రూప్ చాట్ లలో కూడా వర్తిస్తుంది. గ్రూప్ చాట్ లో మాత్రం ఈ ఫీచర్ ప్రారంభించడానికి, నిలిపివేయడానికి నిర్వాహకులకు మాత్రమే అనుమతి ఉంటుంది.
* టైమర్ తో పంపిన అన్ని మెసేజ్ లు ఎంత సమయం మిగిలి ఉందో కూడా చూపిస్తుంది.
* ఇందులో గమనించాలిసిన విషయం ఏమిటంటే ఈ ఫీచర్ ని ఆన్ చేసిన తర్వాత పంపిన మెసేజ్ లకు మాత్రమే ఆటో డిలీట్ ఫీచర్ వర్తిస్తుంది.. మిగితా మెసేజ్ లు అలాగే ఉంటాయి..
* టెలిగ్రామ్ యాప్ లో ఆహ్వానాల కోసం QR కోడ్స్, బ్రాడ్ కాస్ట్ గ్రూప్, ఆహ్వాన లింక్స్ వంటి ఫీచర్స్ ఉన్నాయి.