YS Sharmila: తెలంగాణలో వైయస్సార్ తెలంగాణ పార్టీ స్థాపించిన వైఎస్ షర్మిల మీడియా విలేకరుల ముందు టిఆర్ఎస్ పార్టీ కి అదిరిపోయే కౌంటర్ ఇచ్చింది. అయితే వైఎస్ఆర్ తెలంగాణ పార్టీ కార్యకర్తలు కంటే ఈ కౌంటర్ తో జనసేన అభిమానులు ఎక్కువగా సంబరపడిపోయారు. విషయం ఏమిటంటే ఒక మీడియా ప్రతినిధి కేటీఆర్ షర్మిలపై తాజాగా చేసిన వ్యాఖ్యలను గుర్తు చేస్తూ అందుకు ఆమె సమాధానం అడిగాడు.
అందుకు షర్మిల ఎంతో వ్యంగ్యంగా “కేటీఆర్ అంటే ఎవరు?” అని ప్రశ్నించింది. పార్టీ సభ్యులతో కూడా కేటీఆర్ అంటే ఎవరు అని ప్రశ్నిస్తూ కొంతసేపు టిఆర్ఎస్ పార్టీ మంత్రిని హేళన చేసింది. ఆ తర్వాత “ఓహో కెసిఆర్ గారి కుమారుడా కేటీఆర్ అంటే…” అని మాట్లాడుతూ టిఆర్ఎస్ పార్టీ వారికి మహిళలంటే ఎటువంటి గౌరవం లేదని అలాంటి వారి మాటలు మేము పట్టించుకోము అని చెప్పడం గమనార్హం.
అయితే ఇందుకు పవన్ కళ్యాణ్ కు సంబంధం ఏమిటి అని ఆలోచిస్తున్నారా…? గతంలో పవన్ కళ్యాణ్ పార్టీ స్థాపించినప్పుడు కేటీఆర్ బహిరంగ సభలో పవన్ కళ్యాణ్ అంటే ఎవరు అని ప్రశ్నించారు. పవన్ కళ్యాణ్ ప్రస్తావన వచ్చినప్పుడు చిరంజీవి తమ్ముడు అంటూ అతను కూడా ఇలాగే ఎగతాళి చేసినట్టు మాట్లాడాడు.
సంక్రాంతికి గంగిరెద్దులు వచ్చినట్లు అన్న ఒక సారి, తమ్ముడు ఒకసారి రాజకీయాల్లోకి వచ్చి వెళుతుంటారు అని వీరంతా ఇక్కడ సీరియస్ గా నిలిచే నేతలు కాదని కేసీఆర్ మాట్లాడడం వివాదాస్పదం అయింది. ఇప్పుడు షర్మిల “కేసీఆర్ కొడుకు కేటీఆర్” కు ట్రీట్మెంట్ ఇవ్వడంతో జనసేన అభిమానులు బాగా సంతోషపడిపోతున్నారు.