Past Life: సేవచేయిన్చుకునేవారిగా
ఈ జన్మలో మనకు బంధువులు గా వచ్చినవారు ఎదో జన్మలో మనం వారికీ లేదా వారు మనకి ఏదొక విధం గా ఋణపడినవారు అయిఉంటారు.వారు భార్య గానో ,సంతానం గానో లేదా ఎదోరకం గా సేవచేయిన్చుకునేవారిగానో మన జీవితం లో కి వస్తారు. దానిగురించి తెలుసుకుందాం. పోయిన జన్మలో తన సొమ్మును దాచమని ఒక వ్యక్తికి ఇచ్చి, అది తిరిగి తీసుకోకుండానే మరణించిన వారు , తాను దాచుకున్న సొమ్ము అనుభవించడానికి ఆ ఇంట్లో కొడుకుగా పుడతాడు.
Past Life: ఈ జన్మలో కొడుకుగా
పూర్వ జన్మయందు తానుబాకీ పెట్టిన అప్పును తీర్చడానికి కూడా కొడుకుగా పుడతాడు .
పూర్వ జన్మలో ఏదైనా శత్రుత్వం ఉంటే దాన్ని తీర్చుకోవడం కోసం ఈ జన్మలో ఈ జన్మలో కొడుకుగా పుడతాడు.
పోయిన జన్మలో తనకు ఒకడు అపకారం చేసాడు .. కానీ దానికి ప్రతీకారం తీర్చుకోలేదు. అలాంటి వారు ఈ జన్మలో ప్రతీకారం తీర్చుకోవడానికి అపకారం చేసినవాడికె కొడుకుగా పుడతాడు.గత జన్మలో తాను పొందిన సేవ – సుఖములకు బదులు తీర్చుకోవడానికి కొడుకు గా జన్మించి తల్లిదండ్రులకు భక్తి శ్రద్దలతో సేవ చేస్తాడు.గత జన్మలో తాను ఏ వ్యక్తి నుండి ఉపకారం పొందుతాడో ఆ ఉపకారానికి బదులుగా తిరిగి ఉపకారం చేయుటకు కొడుకుగా పుడతాడు. ఏమీ ఆశించని వాడు కూడా కొడుకుగా పుట్టి తన విధులను నెరవేరుస్తాడు.
కర్మరుణం తీరేవరకు
ఇలా ఋణానుబంధం తో పుట్టిన వారు కర్మానుసారముగా పుట్టి తమ పనులు పూర్తికాగానే మరణించడం జరుగుతుంది. లేదంటే దీర్ఘకాలం వరకు జీవించి ఉపకారం చేయడం లేదా ప్రతీకారం తీర్చుకోవడం వంటివి చేస్తారు. ఈ కోవలోకి కేవలం కొడుకే కాదు , భార్య,భర్త , సోదరుడు , పనిమనిషి , ఆవు ,కుక్క మొదలైన పశువులు కూడా కర్మరుణం తీరేవరకు మనతో ఉండడం అనేది జరుగుతుంది. ఋణము తీరగానే వదిలి వెళ్లిపోవడం లేదా చనిపోవడమో జరుగుతుంది.