Sitting: ఈ రోజుల్లో కూర్చుని చేసే ఉద్యోగాలు ఎక్కువగా ఉన్నాయి.. గంటల తరబడి కంప్యూటర్ ముందు కూర్చుని వర్క్ చేయడం, డ్రైవ్ చేయడం , ఆఫీసులో కూర్చుని చేసే ఉద్యోగం కారణంగా మన ఆరోగ్యానికి ముప్పు కొంచెం ఉందని ఆరోగ్య నిపుణులు చెబుతున్నారు.. ఇలా గంటల తరబడి కూర్చోవడం వలన ఎటువంటి ఆరోగ్య సమస్యలు తలెత్తుతాయో..!? ఎలాంటి జాగ్రత్తలు తీసుకోవాలో ఇప్పుడు తెలుసుకుందాం..!!
ఊబకాయం, ధూమపానం వల్ల ఎలాంటి ప్రాణాంతకమైన ఆరోగ్య సమస్యలు ఎదుర్కోవలసి వస్తుందో.. రోజుకు ఎనిమిది గంటలపాటు కూర్చోవడం వలన కూడా అటువంటి అనారోగ్య సమస్యలే ఎదుర్కోవాల్సి వస్తుందని తాజా అధ్యయనంలో తేలింది. వర్క్ ఫ్రం హోం ఉద్యోగాలు చేస్తున్న వారు ఒకే చోట ఎక్కువగా కూర్చోకుండా జాగ్రత్తలు తీసుకోవాలి. ప్రతి అరగంటకు ఒకసారైనా లేచి అటూ ఇటూ నడవాలి. కనీసం రెండు గంటలకు ఒకసారి అయినా సరే ఒక ఐదు నిమిషాల పాటు విరామం తీసుకోవాలి.
ఎక్కువ సేపు కూర్చోవడం వలన కాళ్ళు, పిరుదు కండరాలు శక్తి హీనంగా మారుతాయి. గర్భాశయం, ఊపిరితిత్తులు, పెద్దప్రేగు క్యాన్సర్ తో సహా మరికొన్ని రకాల క్యాన్సర్ వ్యాధులు వచ్చే ప్రమాదం ఉంది. ఎక్కువ సేపు కూర్చోవడం వలన శారీరక శ్రమ తగ్గుతుంది. శరీరంలో కేలరీలు ఖర్చు అవ్వకుండా అవి కొవ్వు రూపంలో పేరుకుపోయి అధిక బరువు, ఊబకాయం కు దారితీస్తాయి. ఇంకా నడుము నొప్పి, వెన్ను నొప్పి బాధిస్తాయి. అంతే కాకుండా గుండె జబ్బులు వచ్చే అవకాశాలు ఎక్కువగా ఉంటాయి. రోజు లో ఎక్కువ సేపు కూర్చోవడం వలన మానసిక ఆరోగ్యం క్షీణిస్తుంది.