Balakrishna: బోయపాటి దర్శకత్వంలో వచ్చి భారీ విజయం సాధించిన అఖండ సినిమా బాలయ్య కెరీర్ కు సరికొత్త ఊపు తెచ్చింది అనే చెప్పాలి. అఖండ ముందు వరకు కూడా బాలయ్య వరుసగా సినిమాలు చేస్తున్నా… ఈ చిత్రం తర్వాత మాత్రం వెంటవెంటనే కథలు వినడం మొదలు.
గోపీచంద్ మలినేని తో బాలకృష్ణ చేస్తున్న కమర్షియల్ ఎంటర్టైనర్… ఈనెల 16న మొదలుకానుంది. అయితే ఆ తర్వాత అనిల్ రావిపూడి తో కూడా ఒక చిత్రం ప్లాన్ చేస్తున్నారు బాలయ్య. వెనువెంటనే బోయపాటి తో సీక్వెల్ ప్లాన్ చేస్తున్నట్లు కూడా వార్తలు వస్తున్నాయి. ఇవన్నీ పక్కన పెడితే నారప్ప చిత్రంతో మంచి ప్రశంసలు అందుకున్న వెటరన్ డైరెక్టర్ శ్రీకాంత్ అడ్డాల కూడా బాలయ్య తో సినిమా చేసేందుకు రెడీ అయిపోయాడు.
ముఖ్యంగా ప్రేమ కథా చిత్రాలు, ఫ్యామిలీ అనుబంధాల పై కథలు రాసుకునే శ్రీకాంత్ అడ్డాల పక్కా మాస్ హీరోతో ఎలాంటి సినిమా చేస్తాడో అని అందరూ ఆసక్తిగా ఎదురు చూస్తున్నారు. అయితే అడ్డాల కథ విన్న దిల్ రాజు స్వయంగా బాలయ్య అయితే ఈ చిత్రానికి కరెక్ట్ అని చెప్పారట. బాలయ్య పక్కా మాస్ హీరో. అయితే అనిల్ రావిపూడి లాంటి కామెడీ ప్రధానంగా సినిమాలు తీసే దర్శకుడు, శ్రీకాంత్ అడ్డాల లాంటి ఫ్యామిలీ ఎమోషన్స్ పై దృష్టి పెట్టే డైరెక్టర్ తో బాలయ్య సినిమాలు చేయబోతున్నారు అంటే తన కంఫర్ట్ జోన్ కి దాటి ఆయన పాత్రలు చేయడానికి రెడీగా ఉన్నారు అని అర్థం. మరి ఇన్ని రోజులు ఒక మాస్ హీరోగా అతనికి అలవాటు పడ్డ జనం అతనిని ఎలా రిసీవ్ చేసుకుంటారు అన్న విషయాన్ని చూడాలి.