Actor Nani: ఆవకాయ సీజన్ మొత్తాన్ని బ్లాక్ చేసి ప‌డేసిన‌ నాని.. ఎందుకో తెలిస్తే దిమ్మ‌తిరుగుద్ది!

Actor Nani: ప్ర‌స్తుతం టాలీవుడ్‌లో కొత్త ట్రెండ్ న‌డుస్తోంది. ఇంతకుముందు ఏ సినిమాకైనా ఒక విడుద‌ల తేదీనే ప్రకటించేవారు. ఆ తేదీ కుద‌ర‌కపోతే మ‌రో డేట్‌కి పోస్ట్ పోన్ చేసేవారు. కానీ, ఇప్పుడు ప్ర‌తి సినిమాకు రెండేసి రిలీజ్ డేట్లు ప్ర‌క‌టిస్తున్నారు. అందరికంటే ముందు రాజమౌళి `ఆర్ఆర్ఆర్‌`కు రెండు డేట్స్ ప్రకటించాడు. కానీ, త‌ర్వాత ఆ రెండు డేట్స్‌ను వ‌దిలేసి మ‌రో తేదీని అనౌన్స్ చేశారు.

అయితే ఇప్పుడీ రెండు తేదీల ఫార్మాట్ ను మాత్రం చాలామంది ఫాలో అవుతున్నారు. ఇప్ప‌టికే వ‌రుణ్ తేజ్ `గ‌ని`, ప‌వ‌న్ క‌ళ్యాణ్ `భీమ్లా నాయ‌క్‌`, ర‌వితేజ `రామారావు ఆన్ డ్యూటీ` చిత్రాల‌కు రెండేసి విడుద‌ల తేదీల‌ను ప్ర‌క‌టించారు. ఇలాంటి త‌రుణంలో న్యాచుర‌ల్ స్టార్ నాని త‌న 28వ చిత్ర‌మైన `అంటే సుందరానికీ!` ఏకంగా ఏడు తేదీల‌ను అనౌన్స్ చేసి అంద‌రికీ దిమ్మ‌తిరిగేలా చేశాడు.

పూర్తి వివ‌రాల్లోకి వెళ్తే.. నాని హీరోగా వివేక్ ఆత్రేయ ద‌ర్శ‌క‌త్వంలో రూపొందుతోన్న చిత్ర‌మే `అంటే..సుంద‌రానికీ!`. ప్ర‌ముఖ నిర్మాణ సంస్థ మైత్రీ మూవీ మేక‌ర్స్ వారు ఈ సినిమాను నిర్మిస్తున్నారు. మ‌ల‌యాళ హీరోయిన్ న‌జ్రియా న‌జీమ్ హీరోయిన్‌గా న‌టిస్తోన్న ఈ చిత్రం ఇటీవ‌లె షూటింగ్‌ను పూర్తి చేసుకుంది. అయితే తాజాగా ఈ సినిమా విడుద‌ల తేదీ కోసం నాని ఆవ‌కాయ్ సీజ‌న్ మొత్తాన్ని బ్లాక్ చేసి ప‌డేశాడు.

ఈ మేర‌కు `మీరు అంతా రెండు రెండు బ్లాక్ చేస్తే మేము ఏడు చేయకూడదా` అని ఫన్నీగా కామెంట్ చేస్తూ ట్విట్టర్ లో నాని ఓ పోస్టర్ ద్వారా ఏకంగా ఏడు డేట్స్ ప్రకటించారు. అంతే కాదు అది సమ్మర్ కావడంతో.. ఫుల్ ఆవకాయ సీజన్ బ్లాక్డ్…. మెల్లగా డిసైడ్ చేస్తాం అంటూ ఫన్నీ ట్యాగ్ లైన్ కూడా ఇచ్చాడు. ఇక నాని ట్వీట్‌ ప్ర‌కారం.. ఏప్రిల్ 22 , ఏప్రిల్ 29, మే 6, మే 20, మే 27, జూన్ 3, జూన్ 10 తేదీలలో ఒక రోజు ఈ సినిమా విడుదల కానుంద‌ని అర్థ‌మైంది.

మీరు అంతా రెండు రెండు Block చేస్తే మేము ఏడు చేయకూడదా 😉

Full ఆవకాయ season blocked.
Mellaga decide chestham 😎#AnteSundaraniki

#NazriyaFahadh #VivekAthreya @MythriOfficial @oddphysce @nikethbommi pic.twitter.com/31yC8ruXyZ

— Nani (@NameisNani) February 3, 2022