Mahesh Babu: సూపర్ స్టార్ మహేష్ బాబు హీరోగా, పరుశురామ్ దర్శకత్వంలో తెరకెక్కుతున్న తాజా చిత్రం `సర్కారు వారి పాట`. బ్యాంకింగ్ వ్యవస్థను కదిలించిన కుంభకోణాల నేపథ్యంలో కమర్షియల్ ఎంటర్టైనర్గా రూపుదిద్దుకుంటున్న ఈ చిత్రాన్ని మైత్రి మూవీ మేకర్స్, జీఎమ్బి ఎంటర్టైన్మెంట్, 14 రీల్స్ ప్లస్ బ్యానర్లపై నవీన్ యెర్నేని, వై. రవిశంకర్, రామ్ ఆచంట, గోపి ఆచంట సంయుక్తంగా నిర్మిస్తున్నాడు.
ఈ మూవీలో కీర్తి సురేష్ హీరోయిన్గా నటిస్తుండగా.. యాక్షన్ కింగ్ అర్జున్ కీలక పాత్రలో కనిపించబోతున్నారు. ప్రస్తుతం షూటింగ్లో దశలో ఉన్న ఈ చిత్రం నుంచి ఇటీవల ఫస్ట్ సింగిల్ `కళావతి` బయటకు వచ్చిన సంగతి తెలిసిందే. అనంత శ్రీరామ్ సాహిత్యం అందించిన ఈ పాటను యంగ్ సెన్సేషన్ సిద్ శ్రీరామ్ అలపించారు. తమన్ స్వరాలు సమకూర్చారు.
ఫిబ్రవరి 13న ఈ సాంగ్ బయటకు రాగా.. విడుదలైన కొన్ని గంటల్లోనే యూట్యూబ్లో ట్రెండింగ్లోకి వచ్చేసి నయా రికార్డులను సెట్ చేసింది. ఇక తాజాగా `కళావతి` సాంగ్తో మహేష్ మరో అదిరిపోయే రికార్డ్ క్రియేట్ చేశారు. ఇప్పటి వరకూ ఈ క్లాస్ సాంగ్కి 22 మిలియన్స్ వ్యూస్ వచ్చాయి. అలాగే మరోవైపు 1 మిలియన్ లైక్స్ తో దూసుకుపోతుంది.
దీంతో టాలీవుడ్ లో ఫాస్టెస్ట్ 1 మిలియన్ లైక్స్ సాధించిన సాంగ్ గా `కళావతి` ఫస్ట్ ప్లేస్లో నిలిచి రికార్డుకెక్కింది. ఈ నేపథ్యంలోనే మహేష్ ఫ్యాన్స్ ఆనందంతో ఉబ్బితబ్బిపోతున్నారు. కాగా, భారీ అంచనాలు ఉన్న ఈ చిత్రం వేసవి కానుకగా మే 12న విడుదల కానుంది.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!