Cinema Piracy : అవును.. ఈమధ్య మన తెలుగు సినిమాలను పైరసీ దెయ్యం పట్టిపీడిస్తోంది. ముఖ్యంగా స్టార్ హీరోలకు సంబంధించిన ప్రతీ సినిమా యొక్క ఆన్ లైన్ లొకేషన్ ఫొటోలు లీకవుతూనే వున్నాయి. సెట్ లో ఎన్ని జాగ్రత్తలు తీసుకుంటున్నా.. ఎవరో ఒకరు సోషల్ మీడియాలో లీక్ చేస్తూనే వున్నారు. జక్కన్న అత్యంత ప్రతిష్టాత్మకంగా తెరకెక్కించిన `ఆర్ ఆర్ ఆర్` సినిమా నుండి కూడా ఈ లీకుల బెడద తప్పలేదు. అయితే దీనికి కారకులు ఎవరు? ఇంటిదొంగలా, బయటివారా?
Cinema Piracy : పైరసీ వలలో మరిన్ని సినిమాలు:
తెలుగు తెర పవర్ స్టార్ పవన్ కల్యాణ్ నటించిన `వకీల్ సాబ్` కూడా అప్పట్లో లీకుల బెడదని ఎదుర్కొంది. ఇక తాజాగా `భీమ్లా నాయక్` నుంచి కూడా లీకుల ఫోటోలు వచ్చేసాయి. ఏకంగా లొకేషన్ సీన్సే లీక్ కావడం ఇపుడు టాలీవుడ్లో చర్చనీయాంశంగా మారింది. ఆ తరువాత ఇదే సంస్థ నిర్మిస్తున్న `సర్కారు వారి పాట` సూపర్ స్టార్ మహేష్ బాబు నటిస్తున్న ఈ మూవీ కి సంబంధించిన వరుస లీక్స్ జరుగుతున్నాయి. ఫస్ట్ లుఏక్ దగ్గరి నుంచి నిన్న విడుదలైన `కళావతి` సాంగ్ వరకు లీకులు అవుతూనే వున్నాయి. కారణం ఏమిటి?
కారణం ఏమిటి?
ఇకపోతే తాజాగా నందమూరి బాలకృష్ణతో మైత్రీ సంస్థ చేస్తున్న మూవీ స్టిల్ కూడా లీక్ కావడం పలు అనుమానాలకు దారితీస్తోంది. ఇక్కడ లీకువీరులు ఇంటిదొంగలా, బయటివారా? అనే చర్చ వేడివేడిగా జరుగుతోంది. సినిమా వాళ్ళు బయటివారు లీక్ చేస్తున్నారు అని అభిప్రాయపడితే, బయటివారు మాత్రం.. సినిమా వల్లనే తప్పుబడుతున్నారు. లీక్ చేసేది ఇంటిదొంగలే అని బల్ల గుద్ది మరి చెబుతున్నారు. కేవలం వారి వారి సినిమా ప్రమోషన్స్ కోసమే ఈ గేమ్ ఆడుతున్నారని మండిపడుతున్నారు. ఇక లోగుట్టు పెరుమాళ్ళకెరుక!