సూప‌ర్ స్టార్ మ‌హేష్ హీరోగా వంశీ పైడిప‌ల్లి ద‌ర్శ‌క‌త్వంలో రూపొందుతోన్న చిత్రం `మ‌హ‌ర్షి`. మ‌హేష్ న‌టిస్తోన్న 25వ చిత్రం. దిల్‌రాజు, అశ్వినీద‌త్‌, పివిపి ప్ర‌తిష్టాత్మ‌కంగా సినిమాను నిర్మిస్తున్నారు. మే 9న విడుద‌ల చేయ‌బోతున్నారు. పోస్ట్ ప్రొడ‌క్ష‌న్ ప‌నులు జ‌రుగుతున్నాయి. రెండు పాటల చిత్రీక‌ర‌ణ జ‌ర‌గాల్సి ఉంది. ఇదంతా బాగానే ఉంది. అయితే ఉగాది ప‌ర్వ‌దినాన `మ‌హ‌ర్షి` టీజ‌ర్ విడుద‌ల‌ను సూచిస్తూ గురువారం రోజున ఓ పోస్ట‌ర్‌ను విడుద‌ల చేశారు. అయితే ఆ ఫోటోలో హీరో పూర్తిగా వెన‌క్కి తిరిగి ఉన్నాడు. ఇదేంటి సినిమాలో మ‌రో స్టిల్ లేదా? ఇలాంటి స్టిల్‌ను విడుద‌ల చేసి సినిమా ఎక్స్‌పెక్టేషన్స్‌ను త‌గ్గిస్తున్నారంటూ చాలా మంది చెవులు కొరుక్క‌న్నారు. ఈ విష‌యం మ‌హేష్ ప్ర‌మోష‌న‌ల్ టీం వ‌ర‌కు చేర‌డంతో వెంట‌నే శుక్ర‌వారం అంటే ఈరోజు మంచి పోస్ట‌ర్‌ను విడుద‌ల చేశారు. మొత్తానికి `మ‌హ‌ర్షి` సినిమాకు డ్యామేజ్ రాకుండా యూనిట్ ముందుగానే జాగ్ర‌త్త పడింది.