Niharika: నిహారిక కొణిదెల.. ఈమె గురించి ప్ర‌త్యేకంగా ప‌రిచ‌యాలు అవ‌స‌రం లేదు. మెగా ఫ్యామిలీ నుంచి వచ్చిన ఏకైన న‌టి ఈమె. `ముద్దపప్పు ఆవకాయ్` అనే వెబ్ సిరీస్‌తో న‌టిగా ప్రేక్ష‌కుల‌ను ప‌ల‌క‌రించిన ఈ మెగా డాట‌ర్‌.. నాగ శౌర్య హీరోగా తెర‌కెక్కిన `ఒక మనసు`తో హీరోయిన్‌గా ఎంట్రీ ఇచ్చింది.
ఆ త‌ర్వాత హ్యపి వెడ్డింగ్, సూర్యకాంతం సినిమాల‌తో పాటు ప‌లు వెబ్ సిరీస్‌ల‌లో న‌టించింది. ఇవేమి ఆమెను స్టార్ హీరోయిన్ల చెంత నిల‌బెట్ట‌లేక‌పోయాయి. కానీ, న‌టిగా మాత్రం మంచి మార్కులే వేయించుకుంది. ఇక ఈ అమ్మ‌డు 2020 డిసెంబ‌ర్‌లో గుంటూరు ఐజీ జె.ప్రభాకర్ రావు తనయుడు జొన్నలగడ్డ వెంకట చైతన్యతో పెళ్లి చేసుకుని వైవాహిక జీవితంలోకి అడుగు పెట్టింది.
- Read the latest news from NEWSORBIT
- Follow us on facebook , Twitter , instagram and Googlenews
పెళ్లి త‌ర్వాత నిహారిక న‌ట‌న వైపు చూడ‌లేదు. నటనకు దాదాపు గుడ్ బై చెప్పినట్టు రీసెంట్‌గా ఆమె ఓ ఇంట‌ర్వ్యూలో కూడా తెలియ‌జేసింది. అయితే ప్ర‌స్తుతం నిర్మాత‌గా మారి ప‌లు వెబ్ సిరీస్‌లు నిర్మిస్తున్న నిహారిక తాజాగా ఓ కీల‌క నిర్ణ‌యం తీసుకుంద‌ట. అదేంటంటే.. ఆమె మ‌ళ్లీ న‌టించాల‌ని నిర్ణ‌యించుంద‌ట.
హీరోయిన్‌గానే కాకుండా మంచి ప్రాధాన్య‌త ఉన్న స‌హాయ‌క పాత్ర‌ల‌ను పోషించాల‌ని ఆమె భావిస్తుంద‌ట. ఈ విష‌యంపై ఆమెకు కుటుంబ స‌భ్యుల నుంచి సైతం పర్మిషన్ వ‌చ్చింద‌ని జోరుగా నెట్టింట ప్ర‌చారం జ‌రుగుతోంది. మ‌రి ఈ ప్ర‌చారం ఎంత వ‌ర‌కు నిజ‌మో తెలియాలంటే.. నిహారిక నుంచి అధికారిక ప్ర‌క‌ట‌న రావాల్సిందే.
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!