Thank You: `లవ్ స్టోరీ`, `బంగార్రాజు` చిత్రాల‌తో వ‌రుస హిట్ల‌ను ఖాతాలో వేసుకుని ఫుల్ జ్యోష్‌లో ఉన్న యువ‌సామ్రాట్ అక్కినేని నాగ‌చైత‌న్య.. ఇప్పుడు `థ్యాంక్యూ`తో ప్రేక్ష‌కుల‌ను ప‌ల‌క‌రించేందుకు సిద్ధం అవుతున్నాడు. విక్రమ్ కె. కుమార్‌ దర్శకత్వం వహించిన ఈ మూవీలో రాశీ ఖన్నా, మాళవిక నాయర్‌, అవిక గోర్ హీరోయిన్లుగా న‌టించారు.
శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై ప్ర‌ముఖ నిర్మాతలు దిల్ రాజు, శిరీష్‌ సంయుక్తంగా ఈ సినిమాను నిర్మించారు. కొద్ది నెల‌ల క్రిత‌మే షూటింగ్ పూర్తి చేసుకున్న ఈ చిత్రం జులై 8వ తేదీన గ్రాండ్‌గా విడుదల కాబోతోంది. ఈ నేప‌థ్యంలోనే ప్ర‌చార కార్య‌క్ర‌మాల‌ను షురూ చేసిన మేక‌ర్స్‌.. తాజాగా థ్యాంక్యూ టీజ‌ర్‌ను బ‌య‌ట‌కు వ‌దిలారు.
- Read the latest news from NEWSORBIT
- Follow us on facebook , Twitter , instagram and Googlenews
`నా సక్సెస్ కు నేనే కారణం` అని చైతూ కోపంగా ఇంగ్లీష్ లో చెప్పే డైలాగ్‌తో ప్రారంభ‌మైన టీజర్.. ఆద్యంతం ఆస‌క్తిక‌రంగా సాగింది. మాళవిక, అవిక గోర్, రాశీ ఖ‌న్నాల‌తో చైతు సాగించిన ప్రేమాయ‌ణాలు ఇందులో చూపించారు. మూడు స్టేజ్ లలో చైతు లుక్స్ లో వెరీయేషన్స్ ఆక‌ట్టుకున్నాయి. `లైఫ్ లో ఇంక కాంప్రమైజ్ అయ్యేదే లేదు.. ఎన్నో వదులుకొని ఇక్కడికి వచ్చాను` అంటూ చైతు చెప్పై డైలాగ్ బాగా అల‌రించింది.
ఓ వ్యక్తి తన జీవితంలో తప్పులను సరిదిద్దుకుని త‌నని తాను అన్వేషించుకుంటూ సాగించే ప్రయాణమే థ్యాంక్యూ అని అర్థం అవుతోంది. టీజ‌ర్‌లో రొమాన్స్‌, యాక్ష‌న్‌, ఎమోష‌న్స్ అన్నిటికీ స‌మాన ప్రాధ్యాన్య‌త ఇచ్చారు. మొత్తానికి అదిరిపోయిన ఈ టీజర్ సినిమాపై భారీ అంచ‌నాల‌ను పెంచేసింది. మ‌రి ఆ అంచ‌నాల‌ను చైతు అందుకుంటాడో.. లేదో.. చూడాలి.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!