NBK 107: `అఖండ`తో భారీ విజ‌యాన్ని ఖాతాలో వేసుకుని మళ్లీ సక్సెస్ ట్రాక్ ఎక్కిన న‌ట‌సింహం నంద‌మూరి బాల‌కృష్ణ.. ప్ర‌స్తుతం గోపీచంద్ మ‌లినేనితో ఓ మూవీ చేస్తున్న సంగ‌తి తెలిసిందే. `ఎన్బీకే 107` వ‌ర్కింగ్ టైటిల్ తో సెట్స్ మీద‌కు వెళ్లిన ఈ చిత్రంలో శ్రుతి హాస‌న్ హీరోయిన్‌గా న‌టిస్తోంది. బాలయ్యను ఢీ కొట్టే విలన్‌గా కన్నడ నటుడు దునియా విజయ్ చేస్తుంటే.. వ‌ర‌ల‌క్ష్మీ శ‌ర‌త్ కుమార్ ఓ కీలక పాత్ర‌ను పోషిస్తోంది.
మైత్రీ మూవీ మేకర్స్ బ్యాన‌ర్‌పై నిర్మిత‌మ‌వుతున్న ఈ చిత్రం.. ఇప్ప‌టికే ఇర‌వై శాతం షూటింగ్‌ను కంప్లీట్ చేసుకుంది. మిగిలిన భాగాన్ని కూడా మేకర్స్ త్వ‌ర‌త్వ‌ర‌గా పూర్తిచేసే ప‌నిలో ఉన్నాయి. అయితే తాజాగా ఈ సినిమా టైటిల్‌కు సంబంధించి ఓ క్రేజీ న్యూస్ నెట్టింట వైర‌ల్‌గా మారింది. మొన్న‌టి వ‌ర‌కు ఈ సినిమాకు `అన్న‌గారు` అనే టైటిల్ ప‌రిశీల‌న‌లో ఉంద‌ని ప్ర‌చారం జ‌రిగింది.
- Read the latest news from NEWSORBIT
- Follow us on facebook , Twitter , instagram and Googlenews
కానీ, లేటెస్ట్ స‌మాచారం ప్ర‌కారం.. మరో కొత్త టైటిల్‌ను మేకర్స్ ప‌రీశీలిస్తున్నార‌ట. నంద‌మూరి అభిమానుల నోటి నుంచి త‌ర‌చూ వినిపించే పవర్ ఫుల్ వర్డ్ `జై బాలయ్య` అనేదే టైటిల్ గా పెట్టాల‌ని భావిస్తున్నార‌ట. అది బాల‌య్య‌కు కూడా న‌చ్చ‌డంతో.. దానిని ఫైన‌ల్ చేసి త్వ‌ర‌లో అఫీషియ‌ల్‌గా అనౌన్స్ చేసేందుకు స‌న్నాహాలు చేస్తున్నార‌ని జోరుగా టాక్ న‌డుస్తోంది.
మ‌రి ఒక‌వేళ ఈ ప్ర‌చార‌మే నిజ‌మైతే ఫ్యాన్స్‌కి పూన‌కాలు ఖాయ‌మ‌ని అంటున్నారు. కాగా, ఎంతో ప్ర‌తిష్టాత్మ‌కంగా రూపుదిద్దుకుంటున్న ఈ చిత్రానికి మ్యూజిక్ సెన్సేష‌న్ త‌మ‌న్ స్వ‌రాలు అందిస్తున్నాడు. అలాగే ఇందులో బాలయ్య ద్విపాత్రాభినయం చేస్తున్నాడ‌ని ఎప్ప‌టి నుంచో వార్త‌లు వ‌స్తున్నాయి.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!