Intinti Gruhalakshmi: అంకిత అభి కి వార్నింగ్ ఇచ్చి మర్యాదగా ఇక్కడి నుంచి వెళ్లిపొమ్మని చెబుతుంది.. తులసి వాళ్ళు వెళ్లడంతోనే నిలుచున్న చోటే కుప్పకూలి పడిపోతుంది.. అందరూ తులసి అంటూ దగ్గరకు వస్తారు. ఈ రోజు నా జీవితంలో ఎన్నడూ లేనంత బాధ కలిగింది. నా కొడుకు నన్ను ఈ విధంగా అంటాడని నేను కలలో కూడా అనుకోలేదు అని తులసి బాధపడుతుంది.. అభి చెప్పినట్టు నిజంగా నా జీవితాన్నే నాశనం చేసుకున్నానా.. నీ జీవితాన్ని కూడా నేనే నాశనం చేస్తున్నానా అని అంకిత వైపు చూస్తుంది.. అభి నన్ను ఎందుకు అంతగా అసహ్యించుకుంటున్నాడు అని తులసి బాధపడుతుంది..!
ప్రేమ్ విసుగ్గా వచ్చి శృతి పక్కన కూర్చుంటాడు. ఏమైంది ప్రేమ్ అని అడుగుతుంది శృతి. అంకిత మా అమ్మ దగ్గరికి ఎందుకు రావాలి.. అమ్మ అని డాడీ వాళ్ళ చేత ఎందుకు తిట్టించలి అని ప్రేమ్ అంటుండగా.. అంకిత ఆంటీ వాళ్ళ ఇంటికి రావడం ఏంటి అని అడుగుతుంది శృతి.. వదిన మా అమ్మ వాళ్ళ ఇంటికి వచ్చిందంట. అభి అన్నయ్యా ను వాళ్ళ ఇంట్లో వదిలేసి అమ్మ వాళ్ళ ఇంటికి వచ్చిందని.. లాస్య, గాయత్రి వాళ్ళు వచ్చి అమ్మతో గొడవ పడటమే కాకుండా అభి కూడా నోటికొచ్చినట్టు తిట్టాడు అని జరిగింది చెబుతాడు..
విషయం తెలుసుకున్న శృతి అంకిత కు ఫోన్ చేస్తుంది.. నా కారణంగానే కదా మీ ఇద్దరి మధ్య గొడవ వచ్చింది. నేను వెళ్లి అభి సారీ చెప్తాను. నాకు ఇవ్వాల్సిన డబ్బు గురించి నువ్వు మర్చిపో మీరిద్దరూ కలిసి ఉండండి నాకు అదే చాలు అని శృతి అంటుంది. కలవని మనసుల మధ్య గొడవ జరగడానికి ఒక ప్రత్యేకమైన కారణం అవసరం లేదు. మా గురించి నువ్వు బాధపడకు. నీకు హెల్ప్ చేయలేకపోయాను అందుకు నేనే బాధపడుతున్నాను అని అంకిత అంటుంది. కోడల్ ఇద్దరు మాట్లాడుకునే సంభాషణలు విని తులసి సంబరపడుతోంది శృతికి నచ్చ చెబుతుంది.. సమస్యలు తెలుసుకుని ఇద్దరు చాలా అడ్జస్ట్ అవుతూన్నారు. మీరు ఇద్దరూ ఇలా కలిసి ఉండడం చూస్తుంటే నాకు చాలా ముచ్చటేస్తుంది. ఎప్పటికీ ఇలాగే కలిసి ఉండమని చెబుతుంది..
నందు కి వాళ్ళ ఫ్రెండ్ ఫోన్ చేసి ఎప్పుడు బిజినెస్ స్టార్ట్ చేస్తున్నావు.. ఎప్పుడు నా కంపెనీ కొంటున్నావు అని అడుగుతాడు. నువ్వు నా కంపెనీ తీసుకుంటావా.. లేదంటే వేరే బిజినెస్ ఏమైనా చేస్తున్నావా అని అడుగుతాడు.. లేదు నాకు నాలుగు రోజులు సమయం ఇవ్వమని అడుగుతాడు. ఆ మాటలు విన్న లాస్య నందుకు ధైర్యం చెబుతుంది. మరో రెండు రోజుల్లో నీకు డబ్బులు ఇస్తాను అని అంటుంది. నాకైతే నమ్మకం లేదు అని అక్కడి నుంచి వెళ్లిపోతాడు నందు..
తులసి చేత 20 లక్షల రూపాయల పెనాల్టీ కట్టిస్తాం అని లాస్య అనుకుంటుంది. తులసి కి లోన్ వస్తుంది. ఆ లోన్ డబ్బులు తనకే తెలియకుండా నా అకౌంట్లోకి ట్రాన్స్ఫర్ చేయించుకుంటాను. తనకి తెలియకుండానే ఒక బ్లాంక్ చెక్ మీద సైన్ చేసింది. డబ్బులు నాకు పెనాల్టీ కట్టేది తులసి అని లాస్య వేసిన నయ ప్లాన్ ఏ మలుపు తిరుగుతుందో చూడాలి.
Krishna Mukunda Murari: 45 ఏళ్ల వయసులో కూడా చెక్కుచెదరని అందంతో మైమరిపిస్తున్న కృష్ణ ముకుందా మురారి నటి.. ఫొటోస్ వైరల్..!