NTR 30: దక్షిణాది సినిమా రంగంలో ఒక ట్రెండ్ ఇప్పుడు కొనసాగుతూ ఉంది. ఒకానొక టైంలో 90 లలో స్టార్ హీరోయిన్ లుగా క్రేజ్ కలిగి తర్వాత సినిమా ఇండస్ట్రీకి దూరమైన వాళ్ళు మళ్లీ ఇప్పుడు రియంట్రీలు ఇస్తున్న సంగతి తెలిసిందే. ఈ రకంగా ఇప్పటికే రమ్యకృష్ణ, అమల, ఆమని, స్నేహ, మీనా, విజయశాంతి సినిమాలు చేశారు. వీరిలో చాలాకాలం తర్వాత కనిపించింది విజయశాంతి. 2020లో డైరెక్టర్ అనిల్ రావిపూడి దర్శకత్వంలో సూపర్ స్టార్ మహేష్ బాబు నటించిన “సరిలేరు నీక్కెవరు” సినిమాలో పవర్ ఫుల్ పాత్రలో రియంట్రీ ఇవ్వడం జరిగింది.
ఇదిలా ఉంటే ఇప్పుడు ఎన్టీఆర్ త్వరలో కొరటాల దర్శకత్వంలో చేయబోయే సినిమాలో విజయశాంతి నటించనున్నట్లు వార్తలు వినబడుతున్నాయి. చాలా పవర్ ఫుల్ పాత్ర.. చేయడానికి రెడీ అయినట్లు సమాచారం. ఇప్పటికే ఈ పాత్రకి సంబంధించి మేకర్స్ విజయశాంతితో చర్చలు కూడా జరిపారట. అక్టోబర్ చివరి వారంలో ఈ సినిమా రెగ్యులర్ షూటింగ్ స్టార్ట్ కానుంది. ఎన్టీఆర్ కెరియర్ లో ఇది 30వ సినిమా కావటంతో.. చాలా ప్రతిష్టాత్మకంగా తెరకెక్కిస్తున్నారు. గతంలో కొరటాల దర్శకత్వంలో ఎన్టీఆర్ నటించిన “జనతా గ్యారేజ్” సూపర్ డూపర్ హిట్ అయింది. దీంతో “NTR 30” వర్కింగ్ టైటిల్ పేరిట వస్తున్న ఈ ప్రాజెక్టుపై కూడా అభిమానులు భారీ అంచనాలు పెట్టుకున్నారు.
పైగా రాజమౌళి దర్శకత్వంలో వచ్చిన “RRR” భారీ హిట్ కావడంతో..కొరటాల మూవీ ఎట్టి పరిస్థితిలో మిస్ ఫైర్ కాకుండా తారక్ తో పాటు కొరటాల అని జాగ్రత్తలు తీసుకుంటున్నారట. రాజమౌళి తర్వాత ఎన్టీఆర్ నటించిన సినిమాలు చాల వరకు పరాజయం పాలయ్యయి. అయితే ఈ సీన్ రిపీట్ కాకుండా కొరటాల…తారక్ అన్ని విషయాలలో పక్క క్లారిటీ వచ్చాక ఒకేసారి సినిమా స్టార్ట్ చేయాలని డిసైడ్ అయినట్లు సమాచారం.