`ఆచార్య` వంటి బిగ్గెస్ట్ డిజాస్ట‌ర్ అనంత‌రం మెగాస్టార్ చిరంజీవి నుంచి రాబోతున్న చిత్రం `గాడ్ ఫాదర్`. కొణిదెల సురేఖ సమర్పణలో సూపర్ గుడ్ ఫిల్మ్స్‌, కొణిదెల ప్రొడక్షన్స్ బ్యానర్‌లపై ఆర్. బి.చౌదరి, ఎన్వీ ప్రసాద్ నిర్మించిన ఈ చిత్రానికి మోహన్ రాజా ద‌ర్శ‌క‌త్వం వ‌హించారు.
లేడీ సూపర్ స్టార్ నయనతార, బాలీవుడ్ కండ‌ల వీరుడు సల్మాన్ ఖాన్, సత్యదేవ్ తదితరులు ఇందులో కీలక పాత్రలు పోషించారు. త‌మ‌న్ స్వ‌రాలు అందించాడు. మలయాళంలో మోహన్ లాల్ చేసిన సూపర్ హిట్ మూవీ `లూసిఫర్` కు రీమేక్‌గా రూపుదిద్దుకున్న ఈ చిత్రం.. ద‌స‌రా కానుక‌గా అక్టోబర్ 5న విడుద‌ల కాబోతోంది.
రిలీజ్ డేట్ దగ్గర పడుతున్న తరుణంలో మేక‌ర్స్ వ‌రుస అప్డేట్స్‌ను బయటకు వదులుతూ సినిమాపై హైప్ క్రియేట్ చేస్తున్నారు. ఈ నేపథ్యంలో రీసెంట్‌గా వ‌దిలిన ఫ‌స్ట్ సింగిల్ `తార్ మార్ ట‌క్క‌ర్ మార్` సాంగ్‌కు విశేష అద‌ర‌ణ ల‌భిస్తోంది. ఇక‌పోతే తాజాగా ఈ సినిమా సెన్సార్‌ను పూర్తి చేసుకుంది.
సెన్సార్ స‌భ్యులు ఈ చిత్రానికి యూ/ఏ సర్టిఫికెట్ ను జారీ చేశారు. ఈ విష‌యాన్ని తెలుపుతూ డైరెక్ట‌ర్ మోహన్ రాజా ఓ ట్వీట్ చేశారు. `గాడ్ ఫాదర్ సెన్సార్ ని కంప్లీట్ చేసుకొని యూ/ఏ సర్టిఫికెట్ సొంతం చేసుకుంది. సెన్సార్ యూనిట్ నుంచి చాలా మంచి స్పందన వచ్చింది. ఇక ఆడియెన్స్ రెస్పాన్స్ కోసం ఎదురు చూస్తున్నా` అంటూ మోహన్ రాజా త‌న ట్వీట్ లో పేర్కొన్నారు. మొత్తానికి సెన్సార్ యూనిట్ నుంచి ఈ మూవీకి మంచి రెస్పాన్స్ వ‌చ్చింద‌ని డైరెక్ట‌ర్ ట్వీట్ చేయ‌డంలో.. ఈ సినిమాపై మ‌రిన్ని అంచ‌నాలు పెరిగాయి.
https://twitter.com/jayam_mohanraja/status/1573224319647625217?s=20&t=U-2jFYXtPV3Nm8gCGP7_kA