Indian 2: సౌత్ ఇండియా టాప్ మోస్ట్ దర్శకుడు శంకర్ దర్శకత్వంలో విలక్షణ నటుడు కమలహాసన్ నటించిన సినిమా “ఇండియన్ 2”. 2019 లో స్టార్ట్ అయిన ఈ సినిమా షూటింగ్ కరోనా రాకముందు దాదాపు 80 శాతం కంప్లీట్ చేసుకోవడం జరిగింది. మధ్యలో కరోనా రావడంతో దాదాపు రెండు సంవత్సరాలు పాటు లాక్ డౌన్ లు ప్రభుత్వాలు విధించడంతో.. పరిస్థితి మొత్తం మారిపోయింది. షూటింగ్లో ఆగిపోవడంతో పాటు సినిమా నిర్మాతలకు దర్శకుడు శంకర్ కి మధ్య వేదాభిప్రాయాలు రావడంతో గొడవ కోర్టు దాకా వెళ్ళటం జరిగింది. పరిస్థితి ఇలా ఉంటే సంవత్సరం కిందట ఈ సినిమా షూటింగ్ మళ్లీ మొదలయ్యింది.
కమల్ నటించిన “విక్రమ్” సూపర్ డూపర్ హిట్ కావడంతో… “ఇండియన్ 2” నిర్మాతలకీ దర్శకుడు శంకర్ కి మధ్య హీరో కమల్ రాజీ కుదిరించారు. ప్రస్తుతం ఈ సినిమా షూటింగ్ తుది దశలో ఉంది. అయితే ఈ సినిమా షూటింగ్ కి సంబంధించి ఓ వార్త ఇప్పుడు వైరల్ అవుతూ ఉంది. విషయంలోకి వెళ్తే ఈ సినిమాలో దాదాపు ఏడుగురు విలన్ పాత్రలలో కనిపించనున్నారు అంట. అందులో ఒకటి సముద్రఖని ప్రతి నాయకుడు పాత్ర చేసినట్లు సమాచారం. చాలా వైవిధ్యంగా ఈ ఏడుగురు విలన్ పాత్రలను శంకర్ డిజైన్ చేసినట్లు వార్తలు వస్తున్నాయి.
ప్రస్తుతం యాక్షన్ ఎపిసోడ్స్ భారీ ఎత్తున చిత్రీకరిస్తున్నారట. ఈ ఏడాది వేసవిలో ఈ సినిమా రిలీజ్ చేసే ఆలోచనలో మేకర్స్ ఉన్నట్లు సమాచారం. భారతీయుడు సినిమాకి సీక్వెల్ గా ఈ సినిమా వస్తూ ఉంది. అప్పట్లో 1996వ సంవత్సరంలో వచ్చిన “భారతీయుడు” సూపర్ డూపర్ హిట్ అయింది. ఏఆర్ రెహమాన్ అందించిన సాంగ్స్ ఇప్పటికి కూడా సంగీత ప్రియులని ఎంతగానో అల్లరిస్తాయి. మరోసారి వీరి కాంబినేషన్ లో ఇండియన్ టు సినిమా వస్తూ ఉండటంతో భారీ అంచనాలు నెలకొన్నాయి.