Pawan Kalyan: పవర్ స్టార్ పవన్ కళ్యాణ్ ప్రస్తుతం రాజకీయాలలో బిజీగా ఉన్నారు. ఆంధ్రప్రదేశ్ రాష్ట్రంలో త్వరలో జరగబోయే ఎన్నికలలో జనసేన పార్టీ కార్యకలాపాలను దగ్గరుండి చూసుకుంటున్నారు. దీంతో సినిమా షూటింగ్స్ మొత్తం ఆపేయటం జరిగింది. రాజకీయాలకు ముందు పవన్ మూడు సినిమాలు సెట్స్ మీద ఉన్నాయి. ఉస్తాద్ భగత్ సింగ్, OG, హరిహర వీరమల్లు. అయితే ఈ మూడింటిలో ఉస్తాద్ భగత్ సింగ్, OG సినిమాలపై భారీ అంచనాలు నెలకొన్నాయి. ఎందుకంటే ఈ రెండు సినిమాల దర్శకులు పవన్ కళ్యాణ్ అభిమానులే. “ఉస్తాద్ భగత్ సింగ్”.. దర్శకుడు హరీష్ శంకర్ గతంలో పవన్ కళ్యాణ్ తో “గబ్బర్ సింగ్” అనే సినిమా చేయడం జరిగింది.
పవన్ కళ్యాణ్ కెరియర్ లోని ఆ సినిమా బిగ్గెస్ట్ బ్లాక్ బస్టర్ అయింది. దీంతో ఉస్తాద్ భగత్ సింగ్ పై భారీ అంచనాలు నెలకొన్నాయి. ఇక “OG” సినిమా దర్శకుడు సుజిత్ కూడా పవన్ అభిమాని. దీంతో చాలా పవర్ఫుల్ మాఫియా బ్యాక్ డ్రాప్ తో సినిమా చిత్రీకరించడం జరిగింది. కొద్దిరోజుల క్రితం “OG” గ్లింప్స్ వీడియో అభిమానులను ఎంతగానో ఆకట్టుకుంది. అయితే ఈ సినిమాకి సంబంధించి విడుదల తేదీ పవన్ కళ్యాణ్ కెరియర్ లో బిగ్గెస్ట్ బ్లాక్ బస్టర్ అయిన తేదీనాడు విడుదల చేయాలని సుజిత్ డిసైడ్ అయ్యారట. విషయంలోకి వెళ్తే 2013వ సంవత్సరం సెప్టెంబర్ 27వ తారీకు “అత్తారింటికి దారేది” సినిమా విడుదలయ్యి సూపర్ డూపర్ హిట్ అయింది.
ఈ సినిమాకి సంబంధించి మొదటి పార్ట్ విడుదల అయిపోయిన గాని.. అనేక రికార్డులు క్రియేట్ చేయడం జరిగింది. త్రివిక్రమ్ దర్శకత్వంలో వచ్చిన ఈ సినిమా అభిమానులను ఎంతగానో ఆకట్టుకుంది. అయితే ఇప్పుడు అదే తేదీనాడు అనగా ఈ ఏడాది సెప్టెంబర్ 27వ తారీకు “OG” రిలీజ్ చేయాలని డైరెక్టర్ సుజిత్ డిసైడ్ అయినట్లు సోషల్ మీడియాలో ప్రచారం జరుగుతోంది. డివివి దానయ్య నిర్మిస్తున్న ఈ సినిమా షూటింగ్ చాలా వరకు కంప్లీట్ అయింది. ఎన్నికల అనంతరం కొద్దిగా గ్యాప్ తీసుకుని మిగతా బ్యాలెన్స్ షూటింగ్ పవన్ కళ్యాణ్ కంప్లీట్ చేయనున్నారట.