మాస్ మ‌హారాజా ర‌వితేజ, వి.ఐ.ఆనంద్ కాంబినేష‌న్‌లో రామ్ తాళ్లూరి నిర్మిస్తోన్న చిత్రం `డిస్కోరాజా`. ప్ర‌స్తుతం సినిమా షూటింగ్ జ‌రుగుతోంది. డిసెంబ‌ర్ 20న సినిమా విడుదల‌వుతుంది. పాయల్ రాజ్‌పుత్‌, న‌భా న‌టేశ్‌, తాన్యా హోప్ హీరోయిన్స్‌. ఈ సినిమా రీసెంట్‌గా గోవా షెడ్యూల్‌ను పూర్తి చేసుకుంది. త‌దుప‌రి షెడ్యూల్ ఐస్‌ల్యాండ్‌లో జ‌ర‌గ‌నుంది. ఈ సంద‌ర్బంగా నిర్మాత రామ్ తాళ్లూరి మాట్లాడుతూ “ర‌వితేజ‌గారి కెరీర్‌లోనే భారీ బ‌డ్జెట్ సినిమాగా దీన్ని రూపొందిస్తున్నాం. రీసెంట్‌గా గోవాలో సినిమాలో 15రోజుల పాటు చిత్రీక‌రించాం. అలాగే ఐస్‌ల్యాండ్‌లో భారీ యాక్ష‌న్ ఎపిసోడ్ ప్లాన్ చేశాం. సినిమాలో నాలుగైదు నిమిషాలుండే ఈ యాక్ష‌న్ పార్ట్ కోసం నాలుగైదు కోట్ల రూపాయ‌ల ఖ‌ర్చు పెడుతున్నాం. ఫాస్ట్ అండ్ ఫ్యూరియ‌స్ సినిమాకు ప‌నిచేసిన ఊలి అండ్ టీమ్ ఈ యాక్ష‌న్ పార్ట్ కోసం ప‌నిచేయ‌బోతున్నారు“ అన్నారు.
Heeramandi: హిరామండి సిరీస్ లో గోల్డ్ సీన్స్ చేయడానికి కారణం ఇదే.. అసలు నిజాలను బయటపెట్టిన సోనాక్షి సిన్హా..!