రానా దగ్గుబాటిలో మంచి నటుడే కాదు.. తాతయ్య రామానాయుడు, తండ్రి సురేశ్ బాబులోని నిర్మాత లక్షణాలు కూడా మెండుగా ఉన్నాయి. ప్రొడక్షన్ వాల్యూస్ తెలిసిన ఈ టాలీవుడ్ అందగాడు.. సినీ నిర్మాణరంగంలోకి అడుగుపెట్టాడు. తన తొలి చిత్రాన్ని ఇవాళ ప్రకటించాడు. ‘కృష్ణ అండ్ లీల’ పేరుతో సినిమా తీస్తున్నట్టు సోమవారం అనౌన్స్ చేశాడు. ‘క్షణం’ సినిమాతో అడివి శేష్‌కు బ్లాక్ బస్టర్ హిట్ ఇచ్చిన రవికాంత్ పేరెపు ఈ సినిమాను డైరెక్ట్ చేస్తున్నాడు. వాస్తవిక కథాంశంతో సినిమా రూపొందుతున్నట్టు చిత్రబృందం తెలిపింది.
సిద్ధు, శ్రద్ధ శ్రీనాథ్, సీరత్ కపూర్, షాలిని వడ్నికత్తి ప్రధాన తారాగణం. సురేశ్ ప్రొడక్షన్స్, వయాకామ్ 18 సంస్థలు సంయుక్తంగా ఈ సినిమాను నిర్మిస్తున్నాయి. ఫస్ట్ లుక్ పోస్టర్ ఈ నెల 11న విడుదల చేయనున్నారు. త్వరలో మరిన్ని వివరాలు తెలుపుతామని చెప్పారు.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!