YCP MLA: కడప జిల్లా ప్రొద్దుటూరు నియోజకవర్గంలో బండలాగుడు ప్రారంభోత్సవంలో అపశృతి చోటుచేసుకుంది. శ్రీరామనవమి వేడుకలను పురస్కరించుకుని ప్రొద్దుటూరు నియోజకవర్గం దొరసానిపల్లెలో బండలాగుడు పోటీలు ఏర్పాటు చేశారు. మంగళవారం ఎమ్మెల్యే రాచమల్లు శివప్రసాదరెడ్డి బండలాగుడు పోటీలు ప్రారంభించారు. అయితే పోటీలను ప్రారంభించే సమయంలో ఎద్దులు ఒక్కసారిగా వేగంగా కదలడంతో ఎమ్మెల్యే రాచమల్లు శివప్రసాదరెడ్డి కిందపడ్డారు. ఎమ్మెల్యే కు స్వల్పగాయాలు కావడంతో వెంటనే ఆసుపత్రికి వెళ్లగా ప్రధమ చికిత్స చేశారు. పది రోజుల పాటు విశ్రాంతి తీసుకోవాలని వైద్యులు సూచించారు.
YCP MLA: బండలాగుడు పోటీల్లో జాగ్రత్తలు తీసుకోవాలి
గ్రామీణ ప్రాంతాల్లో వివిధ వేడుకల సందర్భంలో బండలాగుడు పోటీలు, పూటీలాగుడు పోటీలను నిర్వహిస్తుంటారు. ఈ పోటీల ప్రారంభోత్సవానికి రాజకీయ నాయకులు, ప్రజా ప్రతినిధులను ఆహ్వానిస్తుంటారు. పోటీలను తిలకించేందుకు పెద్ద ఎత్తున రైతులు పాల్గొంటారు. ఈ సందర్భాల్లో ప్రమాదాల నివారణకు జాగ్రత్తలు తీసుకోవాల్సిన అవసరం ఉంది.