AP 10th, Inter Exam schedule 2024: ఏపీలో టెన్త్, ఇంటర్ పరీక్షల షెడ్యూల్ విడుదల అయ్యింది. మార్చి నెలలో టెన్త్, ఇంటర్ పరీక్షలు నిర్వహించబోతున్నట్లుగా విద్యాశాఖ మంత్రి బొత్స సత్యనారాయణ తెలిపారు.
రాష్ట్రంలో అసెంబ్లీ ఎన్నికల ముందే టెన్త్, ఇంటర్ పరీక్షలు జరగనున్నాయి. ఏపీలో పది, ఇంటర్మీడియట్ పరీక్షల షెడ్యుల్ విడుదల అయ్యింది. మార్చి నెలలో టెన్త్, ఇంటర్ పరీక్షలు నిర్వహించబోతున్నట్లుగా ఏపీ విద్యాశాఖ మంత్రి బొత్స సత్యనారాయణ తెలిపారు. మార్చి 18 నుండి పదవ తరగతి పరీక్షలు, మార్చి 1 నుండి 15 వరకూ ఇంటర్ పరీక్షలు నిర్వహించనున్నట్లు తెలిపారు. ఫిబ్రవరి 5 నుండి 20వ తేదీ వరకూ ఇంటర్ ప్రాక్టికల్స్ పరీక్షలు నిర్వహించనున్నట్లు వెల్లడించారు. ఇంటర్ విద్యార్ధులకు ఉదయం 9 గంటల నుండి మధ్యాహ్నం 12 గంటల వరకూ పరీక్షలు జరగనున్నాయి.
టెన్త్ పరీక్షల షెడ్యుల్ ఇలా
- 18-03-2024 – ఫస్ట్ లాంగ్వేజ్ పేపర్ -1 (గ్రూప్ –A)
- 18-03-2024 – ఫస్ట్ లాంగ్వేజ్ పేపర్ -1 (కాంపోజిట్ కోర్స్)
- 19-03-2024 – సెకండ్ ల్యాంగ్వేజ్
- 20-03-2024 – ఇంగ్లీష్
- 22-03-2024 – లెక్కలు
- 23-03- 2024 – ఫిజికల్ సైన్స్
- 26-03-2024 – బయోలాజికల్ సైన్స్
- 27-03-2024 – సోషల్ స్టడీస్
- 28-03-2024 – ఫస్ట్ లాంగ్వేజ్ పేపర్ -2 (కాంపోజిట్ కోర్స్)
- 28-03-2024 – ఓఎస్ఎస్సీ మెయిన్ లాంగ్వేజ్ పేపర్ – 1 (సంస్కృతం, అరబిక్, పర్షియన్)
- 30-03-2024 – ఓఎస్ఎస్సీ మెయిన్ లాంగ్వేజ్ పేపర్ – 2 (సంస్కృతం, అరబిక్, పర్షియన్)
- 30-03-2024 – ఎస్ఎస్సీ వొకేషనల్ కోర్సు (థియరీ)
ఈ సందర్భంగా మంత్రి బొత్స సత్యనారాయణ మాట్లాడుతూ.. ఏప్రిల్ లో జరగనున్న అసెంబ్లీ ఎన్నికల నేపథ్యంలో ముందుగానే పరీక్షలు నిర్వహించాలని నిర్ణయించినట్లు చెప్పారు. మొత్తం 16లక్షల మంది విద్యార్ధులు టెన్త్, ఇంటర్ పరీక్షలకు హజరు కానున్నట్లు తెలిపారు. పదో తరగతి విద్యార్ధులు 6 లక్షల మంది హజరుకానున్నారని అన్నారు. టెన్త్ విద్యార్ధులకు ఉదయం 9.30 గంటల నుండి మధ్యాహ్నం 12.45 వరకూ పరీఙక్షలు జరుగుతాయన్నారు. ఇక ఇంటర్ పరీక్షలకు ఉదయం 9 గంటల నుండి మధ్యాహ్నం 12 గంటల వరకు జరగనున్నాయి.
YSRCP: కీలక నిర్ణయాల దిశగా సీఎం జగన్ అడుగులు .. ఆ నేతల గుండెల్లో గుబులు