తెలుగు చలనచిత్ర సీనియర్ హీరోలలో చిరంజీవి ఒక సపరేట్ వ్యక్తిత్వం కలిగిన వ్యక్తి. అతను తమ్ముళ్ళు పవన్ కళ్యాణ్ మరియు నాగబాబు లాగా ఆవేశపరుడు కాదు. చాలా కూల్ గా ఫిట్టింగ్ లు పెట్టేస్తాడు. ఇప్పటికే తనపై పీకలదాకా కోపం పెంచుకుని ఉన్న తన తోటి చలనచిత్ర నటుడు అయిన బాలకృష్ణకు ఒక వింత ఫిట్టింగ్ పెట్టేందుకు ప్లాన్ వేశాడు. ఈ మధ్య వీరి మధ్య జరిగిన వివాదం గురించి అందరికీ తెలిసిందే. కరెక్టుగా చెప్పాలంటే తెలుగు సినిమా ఇండస్ట్రీలో ఇప్పుడు పెత్తనం చెలాయిస్తోంది మెగా ఫ్యామిలీనే. అందుకు తగ్గట్లుగానే చిరంజీవి కరోనా చారిటీ పెట్టాడు…. సినిమా పెద్దలతో మీటింగ్ ఏశాడు.. కెసిఆర్ ద్వారా షూటింగ్లకు పర్మిషన్ కూడా తీసుకున్నాడు. ఇప్పుడు జగన్ ను కలిసేందుకు సన్నద్ధం అవుతున్నాడు కానీ అక్కడే ఫిట్టింగ్ పెట్టాడు.
ఇక మరొకపక్క మన నందమూరి నటసింహం బాలకృష్ణ ఏమన్నా తక్కువైన వాడా? తనకు ఆహ్వానం దక్కలేదు అన్న విషయం తో పెద్ద చిన్న చూడకుండా దొరికిన వారిని దొరికినట్లు దూషించడం మరియు అందరితో పోట్లాటలు పెట్టుకోవడం…. వారిపై లేనిపోని నిందలు వేయడం. దానికి నాగబాబు పో..పో.. వోయ్ నువ్వు ఒక హీరో మాత్రమే కానీ పెద్ద తోపు ఏమి కాదు అన్నట్లు నోరు పారేసుకోవడం మొత్తం చకాచకా జరిగిపోయాయి. అయితే ఒక పెద్దమనిషి స్థానంలో ఉన్న చిరంజీవి గొడవ సద్దుమణిగేలా చూడలేదు. నేరుగా 9వ తేదీన జగన్ తో అపాయింట్మెంట్ కుదుర్చుకున్నాడు. ఈమధ్య జగన్ తో చిరంజీవికి సాన్నిహిత్యం బాగా ఎక్కువ అయ్యింది కూడా. అమరావతి తరలింపును చిరు స్వాగతించాడు.. జగన్ ఎప్పుడు కలవమంటే అప్పుడు వెళ్లి కలుస్తూ ఉన్నాడు.
ఇక ఇప్పుడైనా ఇద్దరు కలిసి వెళ్లి తమ మధ్య గొడవలు ఏమీ లేవు అన్నట్లు ఏపీ రాష్ట్ర ముఖ్యమంత్రితో భేటీ అవుతారని ఫ్యాన్స్ అంతా అనుకుంటుండగానే…. బాలకృష్ణ తాను మీటింగ్ కి వచ్చేది లేదని తేల్చి చెప్పేశాడు. దానికి కారణంగా పక్కరోజు జరగనున్న తన పుట్టిన రోజు వేడుకలకు సంబంధించిన ఏర్పాట్లలో బిజీగా ఉంటున్నాను అని చెప్పేశాడు. కనీసం అప్పుడైనా చిరంజీవి…. బాలకృష్ణను వ్యక్తిగతంగా అడిగి ఉంటే బాలయ్య కాదనేవాడా? అసలు చిరంజీవి కి అటువంటి ఉద్దేశం ఉందా లేదా? చిరంజీవి వేరొకరితో బాలయ్యను ఇప్పుడు ఆహ్వానింపజేస్తే…. బాలకృష్ణ రాకపోవడానికి అసలైన కారణం ఏమై ఉంటుంది..?
ఇలా ఎన్నో ప్రశ్నల నడుమ సగటు తెలుగు సినీ ప్రేక్షకుడికి అర్థం అయ్యేది ఏమిటంటే…. వీరు స్టేజీపైన కలిసినప్పుడు ఒకరినొకరు చూసుకుని నవ్వుకొని భుజాలు కరుచుకుని నటిస్తారు తప్ప నిజ జీవితంలో మాత్రం ఎప్పటికీ బద్ధశత్రువులలాగానే మిగిలిపోతారని. నిజంగా ఇద్దరు మనుషులకి తాము కలవాలి.. తమ మధ్య విభేదాలు ఉండకూడదు అని అనుకుంటే ఇంత మంచి అవకాశాన్ని ఎవరైనా చేర్చుకుంటారా? పైగా ఈ లాక్ సమయంలో వ్యక్తిగత పనులు కూడా ఏమీ లేవాయె. ఏదేమైనా పరిపక్వత లేని స్టార్ డమ్ లు పదవులు అస్సలు ఎందుకొరకు?