`ఆర్‌.ఎక్స్ 100` సినిమాలో న‌ట‌న ప‌రంగానే కాదు.. లిప్‌లాక్‌ల‌తో, స్కిన్ షోతో రెచ్చిపోయి యూత్‌కు బాగా క‌నెక్ట్ అయ్యింది పాయల్ రాజ్పుత్.. తర్వాత ఈ అమ్మ‌డుకి వ‌రుస అవ‌కాశాలు క్యూ క‌ట్టిన వెంట‌నే తొంద‌ర ప‌డ‌కుండా సెల‌క్టివ్ స‌బ్జెక్ట్స్‌తో ముందుకెళుతుంది.
సి.క‌ల్యాణ్ నిర్మాణంలో మ‌హిళా ప్రాధాన్య‌మున్న చిత్రంతో పాటు ర‌వితేజ `డిస్కోరాజా`, వెంకటేష్, చైతన్య మల్టీస్టారర్ `వెంకీమామ` చిత్రాల్లో న‌టించ‌డానికి గ్రీన్ సిగ్న‌ల్ ఇచ్చింది. ఈ రెండు సినిమాతో పాటు బెల్లంకొండ శ్రీనివాస్, వంశీకృష్ణ కాంబినేష‌న్‌లో రూపొంద‌బోయే చిత్రం `టైగర్`(విన‌ప‌డుతున్న టైటిల్‌)లో కూడా పాయల్ రాజ్‌పుత్‌నే హీరోయిన్‌గా తీసుకోబోతున్నార‌ని వార్త‌లు విన‌ప‌డుతున్నాయి. ఒక‌ప్ప‌డు స్టువ‌ర్టుపురంలో రాబిన్ హుడ్‌గా పేరు తెచ్చుకున్న గ‌జ‌దొంగ టైగర్ నాగేశ్వ‌ర్‌రావు జీవితం ఆదారంగా చేసుకుని తెరకెక్కబోయే ఈ సినిమాలో పాయల్ రాజ్పుత్ న‌టించే అవకాశాలున్నాయంటున్నారు. ఈ సినిమాలో ఓ సామాజికవేత్త పాత్ర‌లో ప‌వ‌న్‌క‌ల్యాణ్ మాజీ స‌తీమ‌ణి రేణుదేశాయ్ కూడా న‌టించ‌బోతున్నారు. ఈ సినిమా కోసం బెల్లంకొండ శ్రీనివాస్ బాడీ బిల్డ‌ప్ చేస్తున్నాడు మ‌రి.
