Pushpa 2: అల్లు అర్జున్ ముందున్న టార్గెట్ చాలా పెద్దది…ఈసారి రీచ్ అవగలడా..? అంటూ ఫిల్మ్ సర్కిల్స్లో చెప్పుకుంటున్నారట. దీనికి కారణం ఇప్పుడు తనముందు ఉన్న టార్గెట్ చాలా పెద్దదే. బాహుబలి సిరీస్ తర్వాత ప్రభాస్కు అమాంతం అసాధారణం గా క్రేజ్ పెరిగిపోయింది. దాంతోనే ఆ తర్వాత ఆయన నుంచి వచ్చిన సినిమాలు సాహో, రాధే శ్యామ్ ఆశించిన విజయాలను అందుకోలేకపోయాయి. దీనికి కారణం ఫ్యాన్స్లో పెరిగిన భారీ అంచనాలే. అదీకాక ప్రభాస్ సరైన కథలను ఎంచుకోకపోవడం.
- Read the latest news from NEWSORBIT
- Follow us on facebook , Twitter , instagram and Googlenews
ఇప్పుడు ఐకాన్ స్టార్గా పుష్ప 1తో భారీ క్రేజ్ అందుకున్న అల్లు అర్జున్ కూడా ఇలాంటి ఒత్తిడినే తట్టుకోవాల్సిన పరిస్థితి ఏర్పడింది. పుష్ప 1 సినిమాకు బాలీవుడ్లో పెద్దగా ప్రమోషన్స్ చేయనే లేదు. కానీ, అక్కడ భారీగానే వసూళ్ళు రాబట్టింది. అల్లు అర్జున్కు హిందీ బెల్ట్లో సాలీడ్ క్రేజ్ తెచ్చిపెట్టింది. అయితే, దీని తర్వాత వచ్చిన ఆర్ఆర్ఆర్ సినిమా ఏ రేంజ్ సక్సెస్ సాధించిందో అందరికీ తెలిసిందే. అంతేకాదు..ఇటీవల వచ్చిన కేజీఎఫ్ 2 కూడా హిందీ మార్కెట్లో భారీ సక్సెస్ అందుకుంది. ఇప్పటికే, ఈ సినిమా హిందీలో అల్లు అర్జున్ సాధించిన వసూళ్ళను బ్రేక్ చేసిందని చెప్పుకుంటున్నారు.
Pushpa 2: పాన్ ఇండియా రేంజ్లో పోటీ తట్టుకోవాలంటే ఎంత శ్రమించినా చాలదు.
దాంతో ఇప్పుడు అల్లు అర్జున్ ముందు పాన్ ఇండియన్ స్థాయిలో భారీ టార్గెట్టే ఉంది. పుష్ప 2 సినిమా షూటింగ్ ఈ పాటికే షూటింగ్ మొదలై శరవేగంగా సాగుతూ ఉండేది. కానీ, ఆర్ఆర్ఆర్, కేజీఎఫ్ 2 చిత్రాలను మించి సక్సెస్ సాధించాలంటే సుకుమార్ ముందు అనుకున్న పుష్ప 2 స్క్రిప్ట్ సరిపోదని అందుకే, ఇప్పుడు విదేశాలలో దీని కోసం మరోసారి కొత్తగా కొన్ని మార్పులు చేసి పుష్ప 2 కోసం సాలీడ్ స్క్రిప్ట్ రెడీ చేస్తున్నాడట. అల్లు అర్జున్ కూడా ఈ సినిమా కోసం ఎక్కువ శ్రమించాల్సి ఉందని ప్రచారం జరుగుతోంది. తప్పదు మరి పాన్ ఇండియా రేంజ్లో పోటీ తట్టుకోవాలంటే ఎంత శ్రమించినా చాలదు.