Bheemla Naayak: ఫిబ్రవరి 25వ తారీకు రిలీజ్ అయిన “బీమ్లా నాయక్” పాజిటివ్ టాక్ సొంతం చేసుకున్న సంగతి తెలిసిందే. రానా… పవన్ కళ్యాణ్ ఫస్ట్ టైం నటించిన ఈ సినిమా మంచి విజయం సాధించడంతో కలెక్షన్లు భారీ ఎత్తున వస్తున్నాయి. సాగర్ కే చంద్ర దర్శకత్వంలో తెరకెక్కిన ఈ సినిమాలో పవన్ పోలీస్ ఆఫీసర్ పాత్రలో… ఎక్స్ట్రార్డినరీ పెర్ఫార్మెన్స్ తో… మోత మోగించాడు.
ముఖ్యంగా త్రివిక్రమ్ రాసిన పంచ్ డైలాగులు స్క్రీన్ ప్లే బాగా వర్కౌట్ అయింది. ఇదే సమయం లో మ్యూజిక్ డైరెక్టర్ తమన్ అందించిన బ్యాక్ గ్రౌండ్ స్కోర్ … థియేటర్లో కూర్చున్న అభిమానులకు పూనకాలు తీసుకొచ్చేలా చేసింది. ఓపెనింగ్స్ భారీ ఎత్తున ఉన్న సమయంలో… ఫస్ట్ డే పాజిటివ్ టాక్ రావడంతో…”బీమ్లా నాయక్” ఎటువంటి రికార్డులు క్రియేట్ చేస్తుందో అందరూ ఆసక్తిగా గమనిస్తున్నారు.
పరిస్థితి ఇలా ఉంటే ఇప్పుడు ఈ సినిమాని హిందీలో కూడా త్వరగా రిలీజ్ చేయడానికి సినిమా యూనిట్ రెడీ అయింది. ప్రారంభంలో హిందీ లో రిలీజ్ చేయాలని అన్ని ఏర్పాట్లు చేసుకోగా చివరి నిమిషంలో నిర్ణయం మార్చుకున్నారు. ఈ తరుణంలో మార్చి 4 వ తారీకు బాలీవుడ్ ఇండస్ట్రీలో “బీమ్లా నాయక్” రిలీజ్ చేయాలని డిసైడ్ అయ్యారు. బాలీవుడ్ ఇండస్ట్రీలో చాలా వరకు అక్కడ సినిమాల కంటే ఎక్కువగా టాలీవుడ్ ఇండస్ట్రీ సినిమాలకు.. జనాలు బ్రహ్మరథం పడుతున్నారు. బాహుబలి, పుష్ప సినిమాలతో తెలుగు సినిమాలకు మరింత క్రేజ్ రావడం తో..”బీమ్లా నాయక్” కూడా త్వరగా రిలీజ్ చేయాలని మార్చి నాలుగో తారీఖు నాడు ముహూర్తం పెట్టినట్లు టాక్.
