Devatha Serial: దేవి, చిన్మయి దేవుడమ్మ అవ్వ కోసం పార్కులో ఎదురుచూస్తూ ఉంటారు.. దేవుడమ్మ అవ్వ తీసుకొచ్చిన టెడ్డి బేర్ బొమ్మతో ఆడుకుంటారు.. కబుర్లు చెప్పుకొని, ఆడి అలిసిపోయిన దేవికి ఏవైనా కొన్ని తీసుకురమ్మని.. భాషాతో దేవిని బయటకు పంపిస్తుంది. ఇక చిన్మయిని అడిగి దేవి మనసులో ఆదిత్య పైన ఉన్న విషయాన్ని తెలుసుకోవడానికి దేవుడమ్మ ప్రయత్నిస్తుంది. ఇందాకా అడిగాను గ్రానీ కానీ దేవి ఏమి చెప్పడం లేదు. అసలు ఆఫీసర్ గురించి ఎందుకు అలా మాట్లాడుతుందో తెలియడం లేదు గ్రానీ అని చెబుతుంది..
రామూర్తి గారికి ఆదిత్య ఫోన్ చేసి చిన్మయి ఉందా అని అడుగుతాడు. చిన్మయిని వాళ్ల తాతయ్య పిలిసి ఆఫీసర్ సార్ ఫోన్ చేశారు ఒకసారి మాట్లాడమని చెప్తాడు. అమ్మ చిన్మయి ఎలా ఉన్నావు. నాకు దేవిని చూడాలనిపిస్తుంది. ఒకసారి నాకు దేవిని చూపిస్తావా అని అడగగానే.. సరే సార్ మీకు వీడియో కాల్ చేస్తా అని చిన్మయి దేవి దగ్గరికి వెళ్లి తనకు తెలియకుండా.. వీడియో కాల్ చేసి ఆఫీసర్ కి దేవిని చూపిస్తుంది.. ఆ ఫోన్ ను ఎవ్వరూ చూడకుండా పక్కన పెట్టి చిన్మయి కూడా దేవి తో ఆడుతుంది.
అంతలో రాధ వచ్చి రండి అన్నం పెడతాను అని అంటుంది. దేవి చిన్మయి లకు అన్నం తినిపిస్తూ.. దేవి నిన్ను ఒకటి అడగాలి అనుకుంటున్నాను అని వాళ్ల అమ్మ అంటుంది. ఆఫీసర్ సార్ మీద నీకు ఎందుకమ్మా అంత కోపం వచ్చింది.. అసలు ఆఫీసర్ సార్ అంత తప్పు ఏం చేశాడు అని అడగగానే.. దేవి సమాధానం చెప్పే లోపు.. చిన్మయి కి పొరపోయి దగ్గు వస్తుంది. రాధా మంచినీళ్ల కోసం కింద కి వెళుతుంది. అంతలో ఆదిత్య దేవిని చూస్తూ మురిసిపోవడం చూసి సత్య ఇంట్లో మేమందరం ఉన్న సంగతి మర్చిపోయావా.. ఎప్పుడు చూసినా ఆ దేవి ధ్యాసే నా నీకు అంటూ ఆదిత్యకు చివాట్లు పెడుతుంది. మిగతా విషయాలు రేపటి ఎపిసోడ్ లో తెలుసుకుందాం.