పాన్ ఇండియా సూపర్ స్టార్ గా ట్యాగ్ లైన్ సాధించిన తర్వాత ప్రభాస్ కెరియర్ లో ఒక్క హిట్ కూడా పడలేదు. అంతకుముందు “బాహుబలి 2” తో భారతీయ చలనచిత్ర రంగంలో చరిత్ర సృష్టించి ప్రపంచవ్యాప్తంగా తనకంటూ మార్కెట్ క్రియేట్ చేసుకున్న ప్రభాస్… తర్వాత ఒక్క సినిమాతో కూడా అల్లరించలేకపోయారు. సాహూ, రాధేశ్యామ్ రెండు సినిమాలు చేసిన ఫలితం వచ్చేసరికి అట్టర్ ఫ్లాప్. ఈ క్రమంలో ప్రస్తుతం ప్రభాస్ ఎలాగైనా విజయం సాధించాలని చేస్తున్న సినిమాల విషయంలో తీవ్ర కృషి చేస్తున్నారు. అయితే అప్పట్లో బాహుబలి షూటింగ్ చేస్తున్న సమయంలో ప్రభాస్ కాలికి గాయం కావడం తెలిసిందే.
ఆ సమయంలో సినిమా విజయం సాధించిన తర్వాత యూరప్ వెళ్లి ప్రభాస్ మోకాలికి సర్జరీ చేయించుకున్నారు. ఇదిలా ఉంటే ఇటీవల చేస్తున్న సినిమాలకు సంబంధించిన షూటింగ్ లో ఓ యాక్షన్ ఎపిసోడ్ చేస్తున్న టైంలో.. అప్పటి గాయం మళ్ళీ తిరగబడటం జరిగిందట. దీంతో ప్రభాస్ కొద్ది రోజుల క్రిందట యూరప్ వెళ్లారట. అక్కడ వైద్యులను సంప్రదించగా… రెస్ట్ తీసుకోవాలని ప్రభాస్ కి సూచించారట. దీంతో ప్రభాస్ చేస్తున్న షూటింగులు అర్ధాంతరంగా ఆగిపోయాయి.
ప్రస్తుతం ప్రభాస్ చేస్తున్న సినిమాల లిస్ట్ చూస్తే…సలార్, ఆది పురుష్, ప్రాజెక్ట్ కే. ఈ మూడింటిలో “ఆది పురుష్” అన్నిటికంటే ముందు రిలీజ్ అవుతుంది. జనవరిలో ఈ సినిమా విడుదల కానుంది. ఆ తర్వాత “సలార్” వచ్చే ఏడాది వేసవి కానుకగా విడుదల కానుంది. ఇక చివరిగా “ప్రాజెక్ట్ కే” రిలీజ్ చేయనున్నారు. ఈ మూడింటిలో “సలార్” పై ప్రభాస్ అభిమానులు భారీ ఎత్తున అంచనాలు పెట్టుకున్నారు. కారణం “కేజిఎఫ్” డైరెక్టర్ ప్రశాంత్ నీల్ తీస్తున్న నేపథ్యంలో. మరి ఈ మూడింటిలో ఏ సినిమాతో ప్రభాస్ విజయం సాధిస్తారో చూడాలి.
