Actress Meena: ఒకప్పుడు సౌత్ ఫిల్మ్ ఇండస్ట్రీలో స్టార్ హీరోయిన్ గా ఓ వెలుగు వెలిగిన అందాల తారల్లో మీనా ఒకటి. ముఖ్యంగా తెలుగు, తమిళ భాషల్లో అగ్ర హీరోలందరితోనూ మీనా స్క్రీన్ షేర్ చేసుకున్నారు. హీరోయిన్ గా గ్రాఫ్ త‌గ్గిన తర్వాత ఆమె తన సెకండ్ ఇన్నింగ్స్ స్టార్ట్ చేశారు. సౌత్ సినిమాల్లో సహాయక పాత్రలను పోషిస్తూ ప్రేక్షకులను అలరిస్తున్నారు. అలాగే టెలివిజన్ రంగంలో అనేక టీవీ షోస్ కు జడ్జ్ గా వ్యవహరిస్తూ బుల్లితెర ప్రేక్షకులకు చేరువవుతున్నారు.
పర్సనల్ లైఫ్ విషయానికి వస్తే.. 2009లో బెంగళూరుకు చెందిన సాఫ్ట్ వేర్ ఇంజనీర్ విద్యాసాగర్ ను మీనా వివాహం చేసుకుంది. ఈ దంపతులకు నైనిక అనే కుమార్తె జన్మించింది. అయితే 2022లో విద్యాసాగర్ లివర్ ఇన్ఫెక్షన్ వ్యాధితో బాధపడుతూ మరణించారు. భర్త మరణం మానసికంగా మీనా ను ఎంతగానో కృంగదీసింది. చిన్నవయసులోనే ఆమె భర్తను కోల్పోవడం అభిమానులు మరియు సినీ తారలు జీర్ణించుకోలేకపోయారు.
అయితే కూతురు నైనిక భవిష్యత్తు కోసం మీనా.. భర్త చ‌నిపోయిన కొద్ది నెల‌ల‌కే మళ్లీ కెమెరా ముందుకు వ‌చ్చారు. ప్రొఫెష‌న‌ల్ లైఫ్‌లో బిజీ అయ్యారు. ఇక‌పోతే గత కొంతకాలం నుంచి మీనా రెండో పెళ్లి చేసుకోబోతోందని పెద్ద ఎత్తున ప్రచారం జరుగుతుంది. కొందరు ఏకంగా కోలీవుడ్ హీరో ధనుష్ తో మీనాకు రిలేషన్ అంటగ‌ట్టారు. వీరు పెళ్లి చేసుకోబోతున్నారని రూమర్స్ క్రియేట్ చేశారు. మీనా ఎన్నిసార్లు ఖండించినా సోషల్ మీడియాలో ఆమెపై తప్పుడు ప్రచారం మాత్రం ఆగడం లేదు. తాజాగా మరోసారి మీనా రెండో పెళ్లి వార్తలు తెరపైకి వచ్చాయి.
దీంతో ఓ ఇంటర్వ్యూలో పాల్గొన్న మీనా.. రెండో పెళ్లి వార్తలు పై స్పందించింది. సోషల్ మీడియా దిగజారి రోజురోజుకు పోతుంది.. డబ్బు కోసం ఏమైనా రాసేస్తారా..? అంటూ మీనా మండిప‌డింది. వాస్త‌వాలు తెలుసుకొని రాస్తే అందరికీ మంచిది. నా తల్లిదండ్రులు, కూతురు భవిష్యత్తు గురించి ఆలోచించండి. మీరు రాసే తప్పుడు వార్తలు వారిపై ప్ర‌భావం చూపుతున్నాయి. దేశంలో నాలానే ఒంటరిగా జీవించే మహిళలు ఎంద‌రు ఉన్నారు. నాకు అలానే ఉండాల‌నుంది. ప్రస్తుతానికి రెండో పెళ్లి గురించి ఎటువంటి ఆలోచన నాకు లేదు. ఒక‌వేళ రెండో పెళ్లి చేసుకునే ఉద్దేశం ఉంటే నేనే మీడియాకు చెబుతాను అంటూ మీనా క్లాస్ పీకింది. దీంతో మీనా కామెంట్స్ ఇప్పుడు నెట్టింట వైరల్ గా మారాయి.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!