ప‌వ‌న్ టైటిల్స్‌పై హీరోల క‌న్ను.. అఖిల్ కూడా వ‌ద‌ల‌ట్లేదు!?

ప‌వ‌ర్ స్టార్ ప‌వ‌న్ క‌ళ్యాణ్ కే కాదు ఆయ‌న సినిమా టైటిల్స్‌కు య‌మా క్రేజ్ ఉంటుంది. అందుకే యంగ్ హీరోలు ఆయ‌న టైటిల్స్‌పై క‌న్నేస్తుంటారు. ఇప్ప‌టికే పవన్ టైటిల్ `తొలిప్రేమ`తో మెగా ప్రిన్స్ వరుణ్ తేజ్ సినిమా చేసి స‌క్సెస్ అయ్యాడు. మొన్నామ‌ధ్య విజ‌య్ దేవ‌ర‌కొండ సైతం త‌న 11వ చిత్రానికి ప‌వ‌న్ సూప‌ర్ హిట్ టైటిల్ `ఖుషి`ని ఫైన‌ల్ చేసుకున్నాడు.

ఇప్పుడు అఖిల్ అక్కినేని కూడా వ‌ద‌ల‌ట్లేదు. `మోస్ట్ ఎలిజిబుల్ బ్యాచిలర్`తో స‌క్సెస్ ట్రాక్ ఎక్కిన అఖిల్‌.. ప్ర‌స్తుతం సురేంద‌ర్ రెడ్డి ద‌ర్శ‌క‌త్వంలో `ఏజెంట్‌` అనే మూవీ చేస్తున్నాడు. స్పై థ్రిల్ల‌ర్‌గా రూపుదిద్దుకుంటున్న ఈ చిత్రంలో సాక్షి వైద్య హీరోయిన్‌గా న‌టిస్తే.. మల‌యాళ స్టార్ మ‌మ్ముట్టీ కీల‌క‌పాత్ర‌ను పోషించారు.

బ‌న్నీ వ‌ద్ద‌నుకున్న‌ క‌థ‌తో అఖిల్ సినిమా.. డైరెక్ట‌ర్ ఎవ‌రంటే?

శ‌ర‌వేగంగా షూటింగ్ జ‌రుపుకుంటున్న ఈ చిత్రం త్వ‌ర‌లోనే ప్రేక్ష‌కుల ముందుకు రాబోతోంది. ఇక‌పోతే ఈ మూవీ అనంత‌రం `వ‌కీల్ సాబ్‌` డైరెక్ట‌ర్ వేణు శ్రీరామ్ తో అఖిల్ ఓ సినిమా చేయ‌బోతున్నాడ‌ని గ‌త కొద్ది రోజుల నుండీ వార్త‌లు వ‌స్తున్న సంగ‌తి తెలిసిందే. స్టార్ ప్రొడ్యూస‌ర్ దిల్ రాజు ఈ మూవీని నిర్మించ‌బోతున్నారు.

అయితే ఈ మూవీకి `త‌మ్ముడు` అనే టైటిల్‌ను ఖ‌రారు చేయాల‌ని భావిస్తున్న‌ట్లు తాజాగా ఓ టాక్ బ‌య‌ట‌కు వ‌చ్చింది. అక్కాతమ్ముళ్ల సెంటిమెంట్ నేపథ్యంలో వేణు శ్రీరామ్ ఈ సినిమాను రూపొందించ‌బోతున్నాడ‌ట‌. అందుకే `త‌మ్ముడు` టైటిల్ బాగా సెట్ అవుతుంద‌ని అనుకుంటున్నార‌ట‌. కాగా, పవన్ క‌ళ్యాణ్ హీరోగా 1999లో వచ్చిన `తమ్ముడు` ఎంత మంచి విజ‌యం సాధించిందో తెలిసిందే. ఆయన కెరియర్ లోనే `త‌మ్ముడు` చెప్పుకోదగిన సినిమాగా నిలిచింది.