Sandeep Reddy Vanga: ఇండియన్ ఫిలిం ఇండస్ట్రీలో డైరెక్టర్ సందీప్ రెడ్డి వంగా ఇప్పుడు ట్రెండ్ సెట్టర్ డైరెక్టర్ గా నిలిచాడు. మొదటి సినిమా అర్జున్ రెడ్డి తోనే అందరి దృష్టిని ఆకర్షించి తర్వాత రెండు సినిమాలు బాలీవుడ్ ఇండస్ట్రీలో చేసి అక్కడ కూడా విజయాలు సాధించి హ్యాట్రిక్ అందుకున్నారు. ప్రస్తుతం ఉన్న దర్శకులలో సందీప్ రెడ్డి వంగా చాలా కొత్తగా సినిమాలు చేస్తున్నారని.. చాలామంది చెబుతున్నారు. సినిమా పరిధిని దాటి ఆయన సినిమాలు ఉన్నాయని వ్యాఖ్యానిస్తున్నారు. ఈ క్రమంలో బాలీవుడ్ మీడియా సందీప్ రెడ్డి వంగా ఎదుగుదలను తట్టుకోలేకపోతోంది. “కబీర్ సింగ్” సినిమా హిట్ అయిన సమయంలోనే ప్రమోషన్ కార్యక్రమాలలో సక్సెస్ మీట్ లో బాలీవుడ్ ఫిలిం క్రిటిక్స్ సందీప్ రెడ్డి వంగాపై ఎన్నో నెగటివ్ కథనాలు ప్రసారం చేశారు.
ఇటీవల “యానిమల్” సినిమా విజయం సాధించిన సమయంలో కూడా బాలీవుడ్ మీడియా కర్కశంగా వ్యవహరించింది. ఒక విధంగా చెప్పాలంటే సౌత్ ఇండియాకి చెందిన సందీప్ రెడ్డి బాలీవుడ్ మీడియాకి నిద్ర పట్టనివ్వకుండా చేస్తున్నాడని చెప్పవచ్చు. ఈ క్రమంలో సందీప్ రెడ్డి సినిమాలపై చాలామంది ప్రముఖులు తీవ్రస్థాయిలో విమర్శలు చేస్తున్నారు. ఈ రకంగానే బాలీవుడ్ స్టార్ అమీర్ ఖాన్ మాజీ భార్య కిరణ్ రావు విమర్శలు చేయడం జరిగింది. “బాహుబలి”, “కబీర్ సింగ్”, “యానిమల్” చిత్రాలు స్త్రీల పట్ల ద్వేషం మరియు వేధింపులను ప్రోత్సహించే విధంగా ఉన్నాయని కాంట్రవర్సీ కామెంట్స్ చేసింది.
ఈ కామెంట్లపై సందీప్ రెడ్డి వంగా అదే స్థాయిలో రిప్లై ఇచ్చారు. కిరణ్ రావు చేసిన వ్యాఖ్యలు తన దృష్టికి వచ్చినట్లు చెప్పకు వచ్చారు. అయితే ఆమె భర్త అమీర్ ఖాన్ నటించిన “దిల్” గురించి.. ఆయనను అడగమనండి అని సలహా ఇచ్చారు. ఆ సినిమాలో హీరోయిన్ ను రేప్ కు ప్రేరేపించేలా హీరో చేస్తాడని.. ఆ తర్వాత కూడా ఆమె తప్పు చేసిందని.. నమ్మిస్తాడని చివరకు ఆమె హీరోనే ప్రేమిస్తుందని సందీప్ రెడ్డి రిప్లై ఇచ్చారు. మరి ఇలాంటివి తెలుసుకోకుండా తమపై ఇష్టానుసారంగా ఎలా మాటల దాడి చేస్తారని.. అమీర్ మాజీ భార్య కిరణ్ రావునీ సందీప్ నిలదీశారు.