Krishna Mukunda Murari: స్టార్ మా ఛానల్ లో విజయవంతంగా నడుస్తున్న సీరియల్స్ లో ఒకటి ‘కృష్ణ ముకుంద మురారి’.ఈ సీరియల్ ఆసక్తికరంగా సాగుతూ నేడు 197 వ ఎపిసోడ్ లోకి అడుగుపెట్టింది. ఈ ఎపిసోడ్ లో ఏమి జరిగిందో ఒకసారి చూద్దాము.
స్విమ్మింగ్ పూల్ లో పడిపోయిన కృష్ణ ని కాపాడిన మురారి:
స్విమ్మింగ్ పూల్ లో పడిపోయిన కృష్ణ ని కాపాడి బయటకి తీసిన మురారి, ఎంతో ఆందోళన చెందుతూ ఆమె మింగేసిన నీళ్లను మొత్తం కక్కించే ప్రయత్నం చేస్తాడు. అప్పుడు కృష్ణని ఎత్తుకొని లోపలకు తీసుకెళ్తున్నప్పుడు ముకుంద ఎదురుగా వస్తుంది. అబ్బా చూడడానికి ఎంత చక్కగా ఉందో, ‘నారి నారి నడుమ మురారి’ టైటిల్ అదిరిపోతోంది నీకు అంటుంది ముకుంద. నువ్వు ఏమి చేస్తున్నావు ఇక్కడ అని మురారి అడగగా, నువ్వు ఎక్కడ ఉంటే నేను అక్కడే ఉంటాను, నువ్వు నన్ను వదులుకున్నా నేను నిన్ను వదులుకోలేదు అంటుంది ముకుంద. అన్నీ గమనిస్తున్నాను ముకుంద, చిన్న గ్యాప్ ఇవ్వు, ఏకాంతంగా కలుద్దాం అని అంటాడు మురారి. తప్పకుండ కలుద్దాం, నీతో తేల్చుకోవాల్సినవి చాలా ఉన్నాయ్ అని బదులిస్తుంది ముకుంద.
ఆదర్శ్ గురించి మురారి ని ప్రశ్నించిన పెద్దమ్మ :
ఇక స్పృహ లోకి వచ్చిన కృష్ణ తో కాసేపు సరదాగా ఆటపట్టిస్తాడు మురారి. అప్పుడు ఆమె గారాలకు పొయ్యి అలగడం తో కాసేపు బ్రతిమిలాడుతాడు. అలా వాళ్ళిద్దరి మధ్య ఈ క్యూట్ మూమెంట్స్ జరుగుతాయి. అలా సరదాగా సమయం గడుపుతున్న సమయం లో పెద్దమ్మ మురారి కి ఫోన్ చేస్తుంది. నేను ఫోన్ చేస్తే కానీ నీకు గుర్తుకురానా అని అడగగా, అదేమీ లేదు పెద్దమ్మ నువ్వే మనసు ప్రశాంతం గా ఉండడం కోసం ఆశ్రమం కి వెళ్ళావు. నిన్ను డిస్టర్బ్ చెయ్యడం ఇష్టం లేకనే ఫోన్ చెయ్యలేదు అని బదులిస్తాడు. బానే కవర్ చేసావ్ అంటూ ఆదర్శ్ గురించి విచారణ ఎంత వరకు వచ్చింది అని అడుగుతుంది పెద్దమ్మ. మావాళ్లు అదే పని మీద ఉన్నారు, తొందర్లోనే చెప్తాను పెద్దమ్మ అని అంటాడు మురారి. అప్పుడు పెద్దమ్మ నీకు అసలు దీని గురించి పట్టింపే లేదు కదా, ఎంతసేపు ఆ తింగరి దానితోనే తిరుగుతుంటావు అని అంటుంది, ఒక్కటి గుర్తు పెట్టుకో మురారి నాకు ఎందుకులే అనుకుంటే ప్రతీ చిన్న పని కూడా బరువుగానే అనిపిస్తుంది అని చెప్పి కాల్ కట్ చేస్తుంది పెద్దమ్మ.
కృష్ణ ని ప్రేమిస్తున్నాను అని ముకుంద కి నిజం చెప్పేసిన మురారి :
ఇక మరోపక్క మురారి ఏకాంతంగా కలవమన్నాడు అని అతని కోసం ఎదురు చూస్తూ ఉంటుంది ముకుంద. ఇక మురారి వచ్చిన తర్వాత ఎందుకు ఏకాంతం గా కలవమన్నావు అని ముకుంద అడగగా, ఇక నుండి ఎప్పుడు ఇలా కలిసే సందర్భం మన మధ్య రాదు అని చెప్పడానికే పిలిచాను అని అంటాడు మురారి. ఈమధ్య నువ్వు నన్ను హర్ట్ చెయ్యడమే పని గా పెట్టుకున్నావు అని అంటుంది ముకుంద. ఇదంతా కాదు నేను నీకు ఒక నిజం చెప్పాలి అని అంటాడు మురారి. ఎక్కడ కృష్ణ ని ప్రేమిస్తున్నాను అని చెప్తాడో అని భయపడుతూ ఉంటుంది ముకుంద. మురారి కూడా ఇబ్బంది పడుతూనే నేను కృష్ణ ని ప్రేమిస్తున్నాను ముకుంద, నువ్వు కూడా నీ భర్త ని ప్రేమించు అని చెప్తాడు.
ఎంత ధైర్యం ఉంటే అలా చెప్తావు అని అంటుంది ముకుంద. అది నిజం కాబట్టి చెప్పక తప్పడం లేదు అని బదులిస్తాడు మురారి. అప్పుడు ముకుంద నువ్వు నా విషయం లో అన్యాయం చెయ్యలేదా అని అంటుంది, అప్పుడు నా ప్రాణ స్నేహితుడి కోసం నిన్ను వదులుకున్న విషయం నేను చేసింది తప్పే, కానీ ఇప్పుడు నా ప్రాణ స్నేహితుడి భార్యవి, నిన్ను నేను ఇక నా ప్రేయసి గా ఊహించుకోలేను అని అంటాడు. అప్పుడు ముకుంద నువ్వు కృష్ణ ని ఎలా ప్రేమిస్తావో నేను చూస్తా అని అంటుంది, ఎలా ఆపుతావో నేను కూడా చూస్తా అంటాడు మురారి.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!