Entertainment News సినిమా

స్ట్రీమింగ్‌కు సిద్ధ‌మైన న‌య‌న్‌-విగ్నేష్ పెళ్లి వీడియో.. ఇదిగో టీజ‌ర్!

Share

సౌత్‌లో లేడీ సూప‌ర్ స్టార్‌గా గుర్తింపు పొందిన న‌య‌న‌తార ఇటీవ‌లె కోలీవుడ్ ద‌ర్శ‌క‌,నిర్మాత విఘ్నేష్ శివ‌న్‌ను పెళ్లి చేసుకుని వైవాహిక జీవితంలోకి అడుగు పెట్టింది. దాదాపు ఆరేళ్ల నుంచి ప్రేమించుకుంటున్న ఈ జంట‌.. ఫైన‌ల్‌గా 2020, జూన్ 9న మహాబలిపురంలో హిందూ సంప్రదాయం ప్ర‌కారం అంగ‌రంగ వైభ‌వంగా జ‌రిగింది.

కుటుంబ‌స‌భ్యులు, స‌న్నిహితులే కాకుండా ప‌లువురు సినీ సెల‌బ్రెటీలు సైతం న‌య‌న్‌-విగ్నేష్ పెళ్లి వేడుక‌లో సంద‌డి చేశారు. అయితే వీరి పెళ్ళికి సంబంధించి స్ట్రీమింగ్ హక్కులను ప్రముఖ దిగ్గ‌జ ఓటిటి సంస్థ నెట్ ఫ్లిక్స్ భార ధ‌ర‌కు కొన‌గోలు చేసిన విష‌యం తెలిసిందే. ఈ జంట పెళ్లిని సినిమాటిక్ లెవల్‌లో చూపించడానికి దర్శకుడు గౌతమ్ మీనన్ బాధ్యతలు తీసుకున్నారు.

అనుకున్న విధంగానే షూట్ చేయడం కూడా జరిగింది. ఇక పెళ్లి వీడియో ఎప్పుడెప్పుడు స్ట్రీమింగ్ కు వ‌స్తుందా అని న‌య‌న్ అభిమానులు ఈగ‌ర్‌గా వెయిట్ చేస్తున్నారు. అయితే ఆ త‌రుణం రానే వ‌చ్చింది. న‌య‌న్‌-విగ్నేష్ పెళ్లి వీడియో స్ట్రీమింగ్ కు సిద్ధ‌మ‌వుతోంది. తాజాగా నెట్ ఫ్లిక్స్ వారు టీజ‌ర్ ను బ‌య‌ట‌కు వ‌దిలారు.

ఈ టీజ‌ర్ ప్ర‌స్తుతం నెట్టింట వైర‌ల్ గా మారింది. ఇందులో నయన్‌-విఘ్నేష్‌లు తమ ప్రేమకు సంబంధించిన మధుర జ్ఞాప‌కాల‌ను పంచుకున్నారు. ఇక‌ పెళ్లి వీడియో `నయనతార బియాండ్ ది ఫెయిరీ టేల్` టైటిల్ తో డాక్యూమెంటరీ రూపంలో ప్రసారం కానుంది. అయితే స్ట్రీమింగ్ డేట్ పై ఇంకా స్పష్టత ఇవ్వలేదు. కానీ, త్వ‌ర‌లోనే స్ట్రీమింగ్ కానుంద‌ని తెలుస్తోంది.

https://www.instagram.com/reel/ChBsRsrg797/?utm_source=ig_web_copy_link


Share

Related posts

ఒక్క రాత్రికి కోటిస్తామన్నారు

Siva Prasad

చిరంజీవి వల్లే నేనింకా బతికున్నా.. స్టార్ డైరెక్టర్ కామెంట్స్ వైరల్!

Ram

Poorna Green Dress Stills

Gallery Desk