Salaar: యంగ్ రెబల్ స్టార్ ప్రభాస్ “సలార్”తో భారీ బ్లాక్ బస్టర్ విజయాన్ని అందుకోవటం తెలిసిందే. గత ఏడాది డిసెంబర్ 22వ తారీకు విడుదలైన “సలార్” ₹700 కోట్లకు పైగా కలెక్షన్స్ సాధించింది. “బాహుబలి” తర్వాత వరుస పరాజయాలతో సతమతమవుతున్న ప్రభాస్ ఈ సినిమాతో మంచి హిట్ అందుకున్నారు. దాదాపు 5 సంవత్సరాల తర్వాత ప్రభాస్ “సలార్”తో హిట్ ట్రాక్ అందుకోవటం జరిగింది. “KGF” దర్శకుడు ప్రశాంత్ నీల్ ఈ సినిమాలో ప్రభాస్ నీ చాలా పవర్ ఫుల్ గా వైలెంట్ గా చూపించారు.
రెండు భాగాలుగా “సలార్” నీ తెరకెక్కించారు. మొదటి భాగం సెప్టెంబర్ నెలలో విడుదల చేస్తారని ముందు ప్రకటించి చివరి నిమిషంలో గ్రాఫిక్స్ వర్క్ కాలేదని డిసెంబర్ లో రిలీజ్ చేయడం జరిగింది. ఈ సినిమాలో ఎలివేషన్స్.. ప్రభాస్ బాడీ మరియు స్టోరీ అభిమానులను ఎంతగానో ఆకట్టుకుంది. దీంతో ఇప్పుడు రెండో భాగం కోసం ఫ్యాన్స్ ఎదురుచూస్తున్నారు. కాగా “సలార్” ఓటిటి ఫిక్స్ కావడం జరిగింది. విషయంలోకి వెళ్తే “సలార్” పార్ట్ 1 త్వరలో నెట్ ఫ్లిక్స్ లో అందుబాటులోకి రానుంది. వచ్చేనెల 4 లేదా 16 నుంచి స్ట్రీమింగ్ కానున్నట్లు సమాచారం.
దీనిపై త్వరలోనే అధికారిక ప్రకటన విడుదల కాబోతోంది. నెట్ ఫ్లిక్స్ ఇండియా సౌత్ సినిమాలపై మంచి ఆసక్తి కనబరుస్తుంది. ఈ సంస్థ ప్రతినిధులు ఇటీవల రామ్ చరణ్, ఎన్టీఆర్, మహేష్ బాబు ఇంకా చాలామంది కలవడం జరిగింది. ఈ క్రమంలో ఎన్టీఆర్ “దేవర”, అల్లు అర్జున్ “పుష్ప 2”, బాలకృష్ణ “NBK 109″…సినిమాల డిజిటల్ రైట్స్ ముందే దక్కించుకోవడం జరిగింది. ప్రపంచవ్యాప్తంగా సౌత్ ఫిలిం ఇండస్ట్రీ సినిమాలు సత్తా చాటుతున్నాయి. ముఖ్యంగా తెలుగు సినిమాలకి విపరీతమైన ఆదరణ పెరుగుతుంది. RRR, బాహుబలి, పుష్ప సినిమాలు ప్రపంచవ్యాప్తంగా సూపర్ డుపర్ హిట్ అయ్యాయి. ఈ సినిమాలతో టాలీవుడ్ మార్కెట్ ప్రపంచవ్యాప్తంగా విస్తరించింది. దాన్ని దృష్టిలో పెట్టుకొని నెట్ ఫ్లిక్స్ సంస్థ దక్షిణాదిలో చాలా సినిమాల డిజిటల్ రైట్స్ ముందే దక్కించుకుంటూ ఉంది. తాజాగా ప్రభాస్ “సలార్” రైట్స్ కూడా దక్కించుకోవడం జరిగింది. వచ్చే నెల నుంచి ఈ సినిమా నెట్ ఫ్లిక్స్ లో స్ట్రీమింగ్ కాబోతున్నట్లు ప్రచారం జరుగుతోంది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!