Kalki 2898 AD: ఈ జనవరిలో యంగ్ రెబల్ స్టార్ ప్రభాస్ కొత్త సినిమా “కల్కి 2898 AD” విడుదల కావాల్సింది. కానీ సినిమా షూటింగ్ ఆలస్యం కావడంతో ఈ వేసవిలో విడుదల కాబోతోంది. ఇది సినిమా షూటింగ్ కి సంబంధించి అసలు ఆలస్యానికి గల కారణం డైరెక్టర్ నాగ్ అశ్విన్ ఇటీవల తెలియజేయడం జరిగింది. ఇటీవల ఓ సినిమా ఈవెంట్ లో పాల్గొన్న ఆయన “కల్కి 2898 AD” సినిమాలో వాడే ప్రతి వస్తువును స్క్రాచ్ నుంచి తయారు చేస్తున్నాం. దీంతో సగం టైం ఇంజనీరింగ్ వర్క్ కే సరిపోతోంది. అందుకే షూటింగ్ ఆలస్యం అవుతుంది. “కల్కి 2898 AD”లో భవిష్యత్తు ప్రభాస్ నీ చూస్తారని నాగ్ అశ్విన్ తెలియజేయడం జరిగింది.
సైన్స్ ఫిక్షన్ నేపథ్యంలో సూపర్ హీరోస్ తరహాలో “కల్కి 2898 AD” షూటింగ్ జరుపుకుంటుంది. ఈ సినిమాలో విలన్ పాత్రలో విలక్షణ నటుడు కమల్ హాసన్ నటిస్తున్నారు. అమితాబ్ బచ్చన్, దీపికా పదుకునే, దిశా పటాని కీలక పాత్రలు చేస్తున్నారు. ప్రభాస్ కెరియర్ మొత్తంలో అత్యంత హైబడ్జెట్ సినిమా “కల్కి 2898 AD”. ఈ సినిమాకి సంబంధించి షూటింగ్ హాలీవుడ్ కెమెరాలతో చిత్రీకరించడం జరిగింది. ఇప్పటివరకు ఇండియన్ ఫిలిం ఇండస్ట్రీలో ఏ సినిమా చిత్రీకరించని విధంగా ఈ సినిమా షూటింగ్ జరుపుకొంటుంది. వైజయంతి మూవీస్ బ్యానర్ లో 50వ సినిమాగా నిర్మాణం జరుపుకుంటుంది. దీంతో నిర్మాత అశ్వినీ దత్ ఎక్కడ కూడా రాజీ పడకుండా సినిమాని నిర్మిస్తున్నారు.
“బాహుబలి 2” తర్వాత వరుస పరాజయాలలో ఉన్న ప్రభాస్ ఇటీవల “సలార్” సినిమా విజయంతో…హిట్ ట్రాక్ ఎక్కటం జరిగింది. 2023లో అత్యధిక ఓపెనింగ్స్ రాబట్టిన సినిమాగా “సలార్” రికార్డు సృష్టించింది. ఈ సినిమా సెప్టెంబర్ నెలలో విడుదల కావాల్సింది డిసెంబర్ నెలలో విడుదలయ్యింది. ఈ క్రమంలో ఇప్పుడు జనవరి నెలలో రిలీజ్ కావలసిన “కల్కి 2898 AD” సమ్మర్ కి పోస్ట్ పోన్ కావడం జరిగింది. ఇక ఈ సినిమాకి సంబంధించి టీజర్ ఏప్రిల్ మొదటి వారంలో రిలీజ్ చేయడానికి సినిమా యూనిట్ రెడీ అవుతుంది. ఈ సినిమాలో ఆయుధాలు ఇప్పటివరకు ప్రపంచంలో ఏ సినిమాలో కనిపించని విధంగా ఉంటాయని అద్భుతమైన డిజైనింగ్ తో..యాక్షన్ సన్నివేశాలలో చూపించబోతున్నట్లు వార్తలు వస్తున్నాయి. ఈ సినిమాలో నటిస్తున్న నటీనటులు కచ్చితంగా “కల్కి 2898 AD” భారతీయ చలనచిత్ర రంగం యొక్క స్థాయిని మరో మెట్టు పైకి ఎక్కించే సినిమా అని కాన్ఫిడెంట్ గా చెబుతున్నారు.