ఇంటింటా గృహలక్ష్మిలో కార్తీక దీపం
నెంబర్ 1 కోసం పోటాపోటీ…
టీవీ చానెళ్లకు సాయంత్రం ఏడున్నర నుంచి 9 గంటలకు సూపర్ ప్రైమ్ టైమ్… ఈ టైమ్లో రేటింగ్ ఎంత సంపాదించుకుంటే అంత ఆ చానెల్కు అంత అడ్వాంటేజ్ అవుతుంది. బుల్లితెరపై ఈటీవీ, జెమినీ టీవీ సీరియళ్లు ఉన్నప్పటికీ పోటీ మాటీవీ-జీతెలుగు సీరియళ్ల మధ్యనే ఎక్కువగా సాగుతుంది. స్లాట్ల కోసం నిర్మాతలు పోటీ పడుతుంటారు. కొత్త కొత్త సీరియళ్లు స్టార్ట్ చేస్తూ జీ తెలుగు దుమ్మురేపుతోంది. కరోనా లాక్ డౌన్ తర్వాత వేగంగా షూటింగ్లు మొదలుపెట్టేసి రేటింగ్లలో జీతెలుగు సత్తా చాటుతోంది. నెంబర్ 1గా నిలవాలన్న ఉద్దేశంతో కొత్త కాన్సెప్ట్తో చానెల్ సరికొత్త ప్రయాణం సాగిస్తోంది. అయితే స్టార్మా అనుకోని పోటీకి తెరదీసింది.
టాప్ గేర్లో కార్తీకదీపం
మార్కెట్లో లీడ్ రోల్ పోషిస్తున్న స్టార్మా నేనేం తక్కువన్నట్టుగా వ్యూహాలకు మరింత పదను పెట్టింది. జీ తెలుగును వెనక్కినెట్టేసే ఆలోచనలు వరసుగా మొదలుపెట్టేసింది. మాటీవీలో సూపర్ సీరియల్గా దున్నేస్తున్న కార్తీక దీపానికి ఇప్పుడు ఇంటింటి గృహలక్ష్మి కాసులు కురిపించే మరో ప్రాజెక్టు అయ్యింది. ఏళ్ల తరబడి వస్తున్నా కార్తీక దీపం సీరియల్ తెలుగు నేలపై దుమ్మురేపుతోంది. 16 టీఆర్పీ పాయింట్లతో దూసుకుపోతున్నట్టు తెలుస్తోంది. రోజుకో ట్విస్ట్ ఇస్తూ… సీరియల్ను పతాక స్థాయికి తీసుకెళ్తున్నారు దర్శక నిర్మాతలు. అదే సమయంలో కార్తీక దీపం సీరియల్ను మరింతగా ప్రమోట్ చేస్తోంది స్టార్మా. సీరియల్ మంచి చెడుల గురించి తర్వాత మాట్లాడుకుందాం గానీ… ఇ్పపుడు మాటీవీ చేస్తున్న ప్రయోగం తెలుగు సీరియల్ ఇండస్ట్రీలో సరికొత్త పోకడని చెప్పాలి.
టైమింగ్తో జీతెలుగుకు స్టార్మా చెక్
కార్తీక దీపం ప్రతి రోజూ రాత్రి ఏడున్నర గంటలకు ప్రారంభై ఎనిమిది గంటలకు ముగుస్తుంది. అయితే తాజాగా చానెల్ ఈ చానెల్ ప్రసారాన్ని మరో పావుగంట పెంచే ఏడుముప్పావ్ వరకు కంటిన్యూ చేస్తోంది. అంటే 8 గంటలకు ప్రాసరమయ్యే ఇంటింటి గృహలక్ష్మి సీరియల్ రోజూ 8. 15కు ప్రసారమై 9 గంటల వరకు సాగుతోంది. ఒకేసారి గృహలక్ష్మి కూడా రేటింగ్లో దూసుకుపోతుందని తెలుస్తోంది. కార్తీక దీపం ద్వారా ఆ మాత్రం రేటింగ్ ఈ ప్రాజెక్టుకే వస్తోందంటున్నారు విశ్లేషకులు. మొత్తంగా ఏడున్నర నుంచి 9 గంటల వరకు చానెల్ టీఆర్పీ సగటున 10 నుంచి 12 మెయింటేన్ చేయాలన్న ఉద్దేశమే సీరియల్ టైమ్ పెంచేందుకు కారణమని తెలుస్తోంది.
స్టార్మా దూకుడుకు జీతెలుగు వ్యూహం
వాస్తవానికి జీ తెలుగులో ఏడున్నర నుంచి 9 గంటల వరకు ఆసక్తికరమైన సీరియళ్లే వస్తున్నాయ్. ఏడున్నరకు రామసక్కని సీత,ఎనిమది గంటలకు నెంబర్ 1 కోడలు, 8.30 త్రినయని సీరియళ్లు వస్తున్నాయ్. ఈ సీరియళ్లు కూడా సగటున పది వరకు టీఆర్పీ తీసుకొస్తున్నాయ్. తాజాగా స్టార్మా చేసిన ప్రయోగంతో జీతెలుగు సీరియళ్ల రేటింగ్ ప్రమాదంలో పడే అవకాశముందని తెలుస్తోంది. త్వరలో 8.30కి ప్రసారమయ్యే దేవత సీరియల్కు ఇప్పటికే జీ తెలుగులో త్రినయని భయంకరమైన కాంపిటేషన్ ఇస్తుందంటున్నారు. అంటే ఏడున్నరకు కార్తీకదీపం టెంపోతో స్టార్మా సత్తా చాటుతున్నా.. జీ తెలుగు ఆ సమయంలో అంతగా పోటీ ఇవ్వలేకపోతోంది. అయితే కొత్త వ్యూహాలతో మాటీవీకి ఝలక్ ఇవ్వాలని భావిస్తోంది. మొత్తంగా జీ తెలుగు రేటింగ్ కట్టడి చేసేలా స్టార్ మా ప్రయోగానికి జీ తెలుగు ఎలాంటి వ్యూహాలు ఏమేరకు వర్కౌట్ అవుతాయో చూడాలి.