Mulberry: పండ్లు ఆరోగ్యానికి మంచిది అని అందరికీ తెలిసిందే.. కానీ పండ్లు తినడానికి ఎక్కువ ఆసక్తి చూపరు.. అనేక పోషక విలువలు కలిగిన పండ్లలో మల్బరీ పండ్లు కూడా ఒకటి..! ఈ పండ్లు చూడటానికి చిన్న సైజులో చిన్నగా ఉన్నా ఇవి ఎన్నో అనారోగ్య సమస్యలకు చెక్ పెడతాయి..!
మల్బరీ పండ్లలో విటమిన్ ఏ, బి, సి, డి ఉన్నాయి. వీటితో పాటు క్యాల్షియం, ఐరన్, జింక్, ప్రొటీన్, ఫైబర్ సమృద్ధిగా లభిస్తాయి. ఈ పండ్లలో ఉండే విటమిన్ ఎ నేత్ర సమస్యలు రాకుండా చేస్తుంది. వారంలో నాలుగు సార్లు ఈ పండును తీసుకుంటే కంటిచూపు పెరుగుతుండడం లో ఎటువంటి సందేహం లేదు. వీటిని తరచుగా తీసుకోవడం వల్ల అధిక రక్తపోటును నియంత్రణలో ఉంచుకోవచ్చు. మధుమేహాన్ని తగ్గించడంలో ఈ పండ్లు అద్భుతంగా పనిచేస్తాయి. ఈ పండ్లలో ఉండే యాంటీఆక్సిడెంట్స్ అనేక రకాల క్యాన్సర్ లను అడ్డుకుంటుంది. కిడ్నీ సమస్యలు రాకుండా చేస్తుంది.
మల్బరీ పండ్లలో ఉండే యాంటీఆక్సిడెంట్స్ వృద్ధాప్య ఛాయలను ధరిచేరనివ్వదు. పండ్లను తినటం వలన నిత్య యవ్వనంగా కనిపిస్తారు. తరచుగా ఈ పండ్లను తీసుకోవడం వల్ల చర్మానికి కావలసిన అన్ని పోషకాలు అందుతాయి. మల్బరీ పండ్లలో ఉండే కాల్షియం దంతాలు దృఢంగా స్ట్రాంగ్ గా ఉండేలా చేస్తాయి. ఇందులో ఉండే ఐరన్ రక్తహీనత ఒక సమస్యకు చెక్ పెడతాయి.