Dark Chocolate Benefit: చాక్లెట్ అంటే ప్రతి ఒక్కరూ ఇష్టపడతారు. పిల్లలైతే చాక్లెట్ కోసం మారాం చేస్తుంటారు కూడా. చాక్లెట్ కొనిపెడితే ఏడిచే పిల్లలు కూడా సైలెంట్ అవుతారు. టీనేజర్లు వారి గర్ల్ ఫ్రెండ్స్ కు వివిధ రకాల కాస్ట్లీ చాక్లెట్ ఇచ్చి ఇంప్రెస్ చేస్తుంటారు. వయసుతో పని లేకుండా పిల్లల నుండి పెద్దల వరకూ కొన్ని రకాల చాక్లెట్ లను ఇష్టపడుతుంటారు. అయితే డార్క్ చాక్లెట్ వల్ల ఆరోగ్యానికి మంచిదట. ఇవి డయాబెటిస్, బీపీ తగ్గిస్తాయని చెబుతున్నారు. డార్క్ చాక్లెట్ తినడం వల్ల మేలే కానీ కీడు చేయదని చెబుతున్నారు. డార్క్ చాక్లెట్ వల్ల ప్రయోజనాలు ఏమిటో ఇప్పుడు తెలుసుకుందాం..
డార్క్ చాక్లెట్ లో అధికంగా మెగ్నీషియం ఉంటుంది. ఇది రక్తపోటు తగ్గించడంల సహాయపడుతుందట. డార్క్ చాక్లెట్ తినడం వల్ల మీ శరీరంలోని నైట్రిక్ ఆక్సైడ్ లెవల్ పెరుగుతుందని అధ్యయనాలు చెబుతున్నాయి. అదే విధంగా డార్క్ చాక్లెట్ లో ఎక్కువగా విటమిన్లు, మినరల్స్ పొటాషియం, కాపర్ మెగ్నిషియం ఐరన్, కాపర్ ఉంటాయనీ, ఇవి కార్డియో పాస్క్యులర్ రోగాలను నిరోధించడానికి పని చేస్తుందని అంటున్నారు. అప్పుడప్పుడు చాక్లెట్ తిన్నవారి కంటే ఎక్కువగా తిన్న వారే సన్నగా ఉన్నారని అధ్యయనాల్లో తేలింది. డార్క్ చాక్లెట్ కేలరీలతో నిండి ఉన్నప్పటికీ బరువు తగ్గడానికి అనుకూలంగా ఉండే పదార్ధాలు ఇందులో ఉన్నాయని పరిశోధకులు చెబుతున్నారు. ఈ చాక్లెట్ లు తినడం వల్ల బ్యాడ్ కొలెస్ట్రాల్ తగ్గతుందట. అదే విధంగా మంచి కొలెస్ట్రాల్ ను పెంచుతుందని పేర్కొంటున్నారు.
డార్క్ చాక్లెట్ మెదడు అలాగే గుండెకు రక్త ప్రసరణ పెంచుతుంది. హార్ట్ స్ట్రోక్ ప్రమాదం నుండి కూడా తప్పించుకోవచ్చట. చాక్లెట్ లో ఉండే యీంటీ ఆక్సిడెంట్స్ వల్ల శరీరంలో కొన్ని రకాల క్యాన్సర్లను, వృద్ధాప్య ఛాయలన కూడా తగ్గించుకోవచ్చు. చాక్లెట్ లో ఉండే ప్లావనాయిడ్స్ శరీరంలో ఇన్సులిన్ ను క్రమబద్దీకరిస్తుంది. దీనిలో ఉండే గ్లైసిమ్ ఇండెక్స్ ను కలిగి ఉండటం వల్ల షుగర్ లెవల్స్ స్థీరికరిస్తుంది. షుగర్ వ్యాధితో బాధపడే వారు డార్క్ చాక్లెట్ తక్కువ మోతాదులో రెగ్యులర్ గా తీసుకుంటే మంచిదని అంటున్నారు.