Bad Breath : సాధారణంగా ఎంతోమంది నోటి దుర్వాసన సమస్యతో బాధపడుతుంటారు. ఈ సమస్యతో బాధపడే వారు నలుగురిలో మాట్లాడలేకపోవడం ఎంతో ఇబ్బంది పడుతుంటారు. ఈ సమస్య రావడానికి ప్రధాన కారణం మనం తీసుకునే ఆహారం దంతాలలో ఇరుక్కుపోవడమే ఇందుకు కారణం. ఇది నోటి దుర్వాసనను కలిగించడమే కాకుండా దంతక్షయానికి కూడా కారణమౌతుంది. అయితే ఈ సమస్యల నుంచి విముక్తి పొందాలంటే తప్పనిసరిగా ఈ ఆహారం తీసుకోవాల్సిందే.. నోటి దుర్వాసనను పోగొట్టే ఆహారపదార్థాలు ఏమిటో ఇక్కడ తెలుసుకుందాం..
నోటి దుర్వాసన సమస్య నుంచి విముక్తి కల్పించడానికి కోతిమీర కీలక పాత్ర పోషిస్తుంది. ఇందులో ఉన్నటువంటి క్లోరోఫిల్ నోటి దుర్వాసనను పోగొడుతుంది. ప్రతి రోజు ఆహారం తీసుకున్న తరువాత కొత్తిమీర ఆకులను నమలడం వల్ల ఈ సమస్య నుంచి విముక్తి పొందవచ్చు. అదేవిధంగా పైనాపిల్ రసం కూడా నోటి దుర్వాసనను పోగొట్టడానికి దోహదపడుతుంది.అయితే రాత్రి పడుకునే సమయంలో పైనాపిల్ రసం తాగడం వల్ల దంతక్షయం ఏర్పడే అవకాశం ఉంటుంది కాబట్టి పైనాపిల్ జ్యూస్ లేదా ముక్కలు తిన్న తర్వాత శుభ్రంగా బ్రష్ చేయాలి.
పెరుగులో ఉండేటటువంటి లాక్టోబాసిల్లస్ బ్యాక్టీరియా నోటి దుర్వాసనను పోగొడుతుంది. ప్రతిరోజు పెరుగుతో భోజనం చేయడం వల్ల ఈ సమస్య నుంచి దూరం అవ్వచ్చు. అదేవిధంగా సిట్రస్ జాతి పండ్లు అయిన నారింజ లేదా నిమ్మకాయ ముక్కలను నమలడం ద్వారా చెడు వాసనను పోగొట్టి తాజా శ్వాసను కలిగిస్తుంది. దాల్చిన చెక్క సూక్ష్మజీవులతో పోరాడి చెడు వాసనను తొలగించడంలో ప్రముఖ పాత్ర పోషిస్తుంది. భోజనం చేసిన తర్వాత దాల్చిన చెక్క కొద్ది పరిమాణంలో తీసుకోవటంవల్ల నోటి దుర్వాసన తొలగిపోతుంది. ఈ విధమైనటువంటి ఆహార పదార్థాలను తీసుకోవడం వల్ల నోటి దుర్వాసన సమస్య నుంచి విముక్తి పొందవచ్చు.