Mystery : సాధారణంగా ఈ సమాజంలో ప్రతి ఒక్కరు బంధాలకు ఎంతో ప్రాముఖ్యతనిస్తారు. అయితే మన జీవితంలో ఎప్పుడు ఎలాంటి సంఘటనలు ఎదురవుతాయో ఎవరికీ తెలియదు.అలాంటి కొన్ని దురదృష్టకర పరిస్థితులు ఏర్పడినప్పుడు కొందరు మన జీవితంలో నుంచి ఆ బంధాలను తెంచుకుని వెళ్లిపోతుంటారు. ఈ విధంగానే తన తల్లి మరణంతో ఏదో వెలితిగా ఉన్న మహిళ, తన తల్లి పై ప్రేమతో తనని విడిచిపెట్టి ఉండలేక తన తల్లి శవాన్ని ఏకంగా పది సంవత్సరాల పాటు ఇంట్లోనే ఫ్రిజ్లో దాచి పెట్టుకున్న సంఘటన తాజాగా జపాన్ లో బయటపడింది. పోలీసులు తెలిపిన వివరాల మేరకు…
జపాన్ టోక్యోలోని ఓ అపార్ట్‌మెంట్‌లో 48 ఏళ్ల యుమి యోషినో అనే మహిళ మున్సిపల్‌ హౌసింగ్ కాంప్లెక్స్‌లోని ఓ అపార్ట్‌మెంట్‌లో తల్లితో కలిసి నివసిస్తుండేది. అయితే తన తల్లి మరణించిన విషయం ఎవరికీ తెలియకుండా రహస్యంగా ఉంచిన ఆ మహిళ, ఈ జనవరి నుంచి ఇంటి అద్దె చెల్లించకపోవడంతో ఇంటి యజమాని ఇంటిని ఖాళీ చేయాల్సిందిగా సూచించారు. ఎంత చెప్పినప్పటికీ ఆమె ఇల్లు వదిలకపోవడంతో ఆ ఇంటి యజమాని పోలీసులకు ఫిర్యాదు చేశాడు. ఈ విధంగా అసలు విషయం బయటపడింది.
ఆ ఇంట్లో తన తల్లితో పాటు నివసించే ఆ మహిళ తన తల్లి మరణించి పది సంవత్సరాలు అయినా ఎవరికి తెలియకుండా ఫ్రీజర్ లో శవాన్ని దాచి ఉన్న నిజం బయటపడింది.ఈ నేపథ్యంలోనే పోలీసు విచారణలో భాగంగా ఆ మహిళ మరణించినప్పటి 60 సంవత్సరాలు ఉన్నాయని అయితే ఆ మహిళ ఎప్పుడు మరణించింది? ఏ కారణం చేత మరణించింది? అనే విషయాలు వెల్లడి కాలేదు. ఈ విధంగా తన తల్లి శవాన్ని 10 సంవత్సరాల పాటు ఇంట్లో పెట్టుకోవడంతో ఆ మహిళ మానసిక ఆరోగ్యపరిస్థితిపై కొందరు అనుమానం వ్యక్తం చేస్తున్నారు.