బిగ్ బాస్ తెలుగు 4 లో స్ట్రాంగ్ అనిపించిన నలుగురైదుగురు కంటెస్టెంట్స్ లో అభిజీత్ కూడా ఒకడు. లైఫ్ ఈజ్ బ్యూటిఫుల్ సినిమా ద్వారా ఇండస్ట్రీకి హీరోగా పరిచయమైన అభిజీత్ ఆ తర్వాత సరైన అవకాశాలు అందుకోవడంలో విఫలమయ్యాడు. దీంతో బిగ్ బాస్ కు వచ్చి మళ్ళీ లైమ్ లైట్లోకి రావాలని ఈ సీజన్ బిగ్ బాస్ లోకి అడుగుపెట్టాడు అభిజీత్. తను చాలా స్ట్రాంగ్ కంటెస్టెంట్ అని టాప్ 5 లో ఉండే అర్హతలు తనకు ఉన్నాయన్న సంకేతాలు ఇవ్వడంలో అభిజీత్ సక్సెస్ అయ్యాడు.
అయితే అభిజీత్ లో కోపం కూడా ఎక్కువే. తనకు యాంగర్ ఇష్యూస్ కూడా ఎక్కువే. ఇదే విషయం దివి ఇటీవలే బిగ్ బాస్ లో చెప్పింది. అయినదానికీ కానిదానికీ కోపంతో ఊగిపోవడం ఈ కొన్ని రోజుల్లోనే అభిజీత్ విషయంలో చూసాం. అయితే తనకు డైరెక్టర్ సూర్య కిరణ్ తో మంచి అనుబంధం ఏర్పడింది. ఈ కొన్ని రోజుల్లోనే ఇద్దరూ కొన్ని విషయాల్లో ఏకీభవించారు. తననొక గురువుగా అభిజీత్ అనుకున్నాడు. ఇద్దరూ నామినేషన్స్ లో ఉండగా నిన్న ఫస్ట్ సేవ్ అయ్యింది అభిజీత్ కావడం విశేషం. ఇక ఈరోజు సూర్య కిరణ్ ఎలిమినేట్ కావడం ఖాయంగా కనిపిస్తోంది.
సూర్య కిరణ్ ఎలిమినేట్ అయిన సందర్భంలో అభిజీత్ ఏడవడం అందరినీ ఆశ్చర్యానికి గురి చేసినట్లుగా తెలుస్తోంది. ఎప్పుడూ కోపంగా కనిపించే అభిజీత్ లో ఈ ఎమోషనల్ యాంగిల్ కూడా ఉన్నట్లు అంటున్నారు. ఈ ఎపిసోడ్ ను ఇప్పటికే చిత్రీకరించారు. సూర్య కిరణ్ ఈరోజు ఇంటికి వెళతారు. ఇక సూర్య కిరణ్ స్థానంలో మొదటి వారంలోనే వైల్డ్ కార్డ్ ను ప్రవేశపెడుతున్నారు. కమెడియన్ సాయి కుమార్ బిగ్ బాస్ లోకి అడుగుపెట్టినట్లు ఇప్పటికే సమాచారం లీక్ అయింది.
