వినోద అవసరాలన్నింటికీ అనుగుణంగా ప్రత్యేకంగా రూపొందించినదే డిటిహెచ్.. ఇటీవల కాలంలో డిటిహెచ్ కనెక్షన్ల సంఖ్య బాగా పెరిగింది.. మామూలు కేబుల్ కనెక్షన్లు క్రమేపీ తగ్గిపోతున్నాయి.. డిటిహెచ్ కనెక్షన్ గురించి మరో ముఖ్యమైన ప్రయోజనం విషయానికొస్తే.. ఒక ఇంట్లో రెండు డిటిహెచ్ కనెక్షన్లు తీసుకోవాలనుకునే వారు ఇక మీదట కేవలం 40% NCF ఛార్జీలు చెల్లిస్తే సరిపోతుంది. ఒకటి కంటే ఎక్కువ కనెక్షన్లు కావాలనుకునే వారికి కచ్చితంగా ఈ కొత్త నియమం ప్రయోజనకరంగా ఉంటుంది.. డిటిహెచ్ రంగంలో చాలా మంది ఆపరేటర్లు ఉన్నారు. ప్రతి ఆపరేటర్ తన వినియోగదారులకు వారి బడ్జెట్ ధరలోను మరియు అధిక ధర వద్ద కూడా సెట్-టాప్ బాక్స్లను (STB) విక్రయిస్తున్నారు. డిటిహెచ్ విభాగంలో టాటా స్కై, డిష్ టివి, D2h, మరియు ఎయిర్టెల్ డిజిటల్ టివి వంటి కంపెనీలు తన వినియోగదారులకు స్టాండర్డ్ డెఫినిషన్(SD), సెట్-టాప్ బాక్స్ 4K, Android STB ల వరకు ఎంచుకునే ఎంపికలు ఇలా ఉన్నాయి..
SD, HD సెట్-టాప్ బాక్స్ పూర్తి వివరాలు :
ఎయిర్టెల్ :
డిటిహెచ్ రంగంలో అగ్రగామిగా ఉన్న ఎయిర్టెల్ డిజిటల్ టివి యొక్క SD సెట్-టాప్ బాక్స్ను ఇప్పుడు కేవలం రూ.1,100 వద్ద కొనుగోలు చేయవచ్చు. డిటిహెచ్ మొత్తం మార్కెట్లోని చౌకైన ధరలో లభించే STB లలో ఇది ఒకటి. ఇది USB ద్వారా రికార్డింగ్ చేయవచ్చు. SD సెట్-టాప్ బాక్స్ లో నాణ్యతను కలిగి ఉండదు. ఎక్కువ నాణ్యత గల కంటెంట్ కోసం HD సెట్-టాప్ బాక్స్ ను కొనుగోలు చేసుకోవచ్చు. దీని ధర SD STB కంటే కేవలం రూ.200 మాత్రమే ఎక్కువ.
టాటా స్కై :
డిటిహెచ్ రంగంలో రెండోవ స్థానంలో నిలిచిన టాటా స్కై తన వినియోగదారులకు అందించే సమర్పణలలో STB చాలా చౌకైనది. అయితే టాటా స్కైకి చెందిన SD, HD STBల ధరలు 1,499 రూపాయలు. కాకపోతే టాటా స్కై యొక్క SD, HD ప్లాన్ లు ఖరీదైనవి. ఈ రెండు ఎస్టిబిల మధ్య కంటెంట్, సౌండ్ నాణ్యత మాత్రమే తేడా ఉంటాయి.
డిష్ :
తక్కువ ధరలో లభించే సెట్-టాప్ బాక్స్ లలో డిష్ఎన్ఎక్స్ టి STB ఒకటి. దీని ధర రూ.1,490. ఈ కనెక్షన్ తో పాటు ఒక నెల చందా, జీవితకాల వారంటీని ఉచితంగా అందిస్తుంది. అంతేకాకుండా దునియా కూపన్ నుండి రూ.2,000 విలువైన ఉచిత కూపన్లను పొందవచ్చు.
D2h :
డి 2 హెచ్ తన సెట్-టాప్ బాక్స్ ను రూ.1,499 లకే అందిస్తుంది. క్రొత్త కొనుగోలు చేసిన వినియోగదారులకు 60 SD ఛానెళ్ళు గల గోల్డ్ కాంబోతో ఒక నెల సభ్యత్వంను ఉచితంగా అందిస్తుంది. అలాగే HD సెట్-టాప్ బాక్స్ కూడా ఖరీదైనది కాదు. దీని SD సెట్-టాప్ బాక్స్ కంటే కేవలం రూ.100 ఎక్కువ.