Sudigali sudheer – సుడిగాలి సుధీర్ గురించి ప్రత్యేకంగా చెప్పుకోవాల్సిన అవసరం లేదు. సుధీర్ ఏం చేసినా అది కామెడీగానే జనాల్లోకి వెళ్తుంది. అందులోనూ సుడిగాలి సుధీర్ ద్వారా కామెడీని జనరేట్ చేయడం కోసం అందరూ మనోడినే ఆడుకుంటారు. కాకపోతే అదంతా ఆన్ స్క్రీన్ మీద కాబట్టి పెద్దగా టెన్షన్ ఏం ఉండదు. అయితే.. తాజాగా 30 రోజుల్లో ప్రేమించడం ఎలా? సినిమా ప్రీ రిలీజ్ ఈవెంట్ లో కూడా సుడిగాలి సుధీర్ ను తెగ ఆడుకున్నారు.
యాంకర్ ప్రదీప్ సినిమా 30 రోజుల్లో ప్రేమించడం ఎలా? త్వరలోనే ప్రేక్షకుల ముందుకు రానుంది. దీంతో ఆ సినిమా ప్రీ రిలీజ్ ఈవెంట్ ను నిర్వహించారు. యాంకర్ సుమ హోస్ట్. శేఖర్ మాస్టర్ కూడా అప్పుడప్పుడు స్టేజ్ మీదికి వెళ్లి కాసేపు నవ్వించారు.
Sudigali sudheer ను ఆటపట్టించిన సుమ, శేఖర్ మాస్టర్
అయితే.. ఈ ఈవెంట్ కు సుడిగాలి సుధీర్ కూడా విచ్చేశాడు. యాంకర్ ప్రదీప్, సుడిగాలి సుధీర్.. ఇద్దరూ బెస్ట్ ఫ్రెండ్స్ కదా. అందుకే.. సుధీర్ ఈవెంట్ కు వచ్చి స్టేజ్ మీదికి వెళ్లి కాసేపు మాట్లాడాడు. అయితే.. సుడిగాలి సుధీర్ మాట్లాడుదాం అని పైకి వెళ్లి మైకు తీసుకోగానే.. ఓవైపు యాంకర్ సుమ, మరోవైపు శేఖర్ మాస్టర్ ఇద్దరూ కలిసి సుధీర్ ను మాత్రం తెగ ఆడేసుకున్నారు. ఒకరేమో మైకు బాగానే పనిచేస్తుంది.. ఇక మాట్లాడు అనడం.. ఇంకొకరు లైట్లు బంద్ చేయాలా? అనడం.. మొత్తం మీద సినిమా ప్రీ రిలీజ్ ఈవెంట్ లో కూడా సుధీర్ ను మాత్రం వీళ్లు వదల్లేదు.