హీరోగా కంటే బిగ్ బాస్ హౌస్ లో అడుగుపెట్టిన తర్వాత అభిజిత్ పాపులారిటీ బాగా పెరిగిపోయింది. నాలుగో సీజన్ ఓటింగ్ లో ఊహించని విధంగా ఇంటి సభ్యులందరి కంటే ఎక్కువ ఓట్లు కొల్లగోడుతున్నట్లు లెక్కలు బయటపడుతున్నాయి. చాలామంది బయట ఉన్న ప్రముఖులు అదేవిధంగా బిగ్ బాస్ గెలిచిన టైటిల్ విన్నర్ లు ఎక్కువ శాతం నాలుగో సీజన్ విన్నర్.. అభిజిత్ అవ్వటం గ్యారెంటీ అని కామెంట్లు చేస్తున్నారు.
ఫిజికల్ టాస్క్ లు ఆడకపోయినా కానీ తన మైండ్ గేమ్ తో అభిజిత్ వన్ సైడ్ వార్ లాగా లాగిం చేస్తున్నాడు అంటూ చాలా మంది అతను ఆడుతున్న ఆట తీరును మెచ్చుకుంటున్నారు. కాగా ప్రస్తుతం సోషల్ మీడియాలో అభిజిత్ కి ఫ్యాన్ ఫాలోయింగ్ ఊహించని విధంగా పెరిగిపోయింది. చాలాసార్లు ఎలిమినేషన్ జోన్ లో ఉన్నాగాని.. రికార్డు స్థాయి ఓటింగ్ లతో సేవ్ అవుతూ వస్తున్నాడు.
ఇంటి సభ్యులు అందరిలో అభిజిత్ కే భారీ స్థాయిలో ఓట్లు పడుతున్నాయి. ఇదిలా ఉండగా సోషల్ మీడియాలో ఇప్పటివరకు ఏ బిగ్ బాస్ కంటెస్టెంట్ సాధించిన ఫీట్‌ను అందుకున్నారు. #WeAdmireAbhijeet అనే హ్యాష్‌ట్యాగ్‌తో రెండు లక్షలకు పైగా ట్వీట్స్ చేసి జాతీయ స్థాయిలో అభిజిత్ పేరును మారుమ్రోగిస్తున్నారు, ఆయన మద్దతుదారులు. ఇప్పటికికూడా ఈ హ్యాష్‌ట్యాగ్‌ ట్విట్టర్‌లో ట్రెండ్ అవుతూ ఉండటం విశేషం. ఏది ఏమైనా సీజన్ ఫోర్ లో ఏ కంటెస్టెంట్ కి లేనివిధంగా ఫ్యాన్ ఫాలోయింగ్ సంపాదించాడు అభిజిత్.
