బిగ్ బాస్ హౌస్ లో మొదటి నుండి ఫెయిర్ గేమ్ ఆడుతున్న కంటెస్టెంట్ గా సోహెల్ కి మంచి పేరుంది. స్టార్టింగ్ లో అతిగా ఆవేశపడే సోహెల్ నాగార్జున కొద్దిగా జాగ్రత్తలు చెప్పిన తర్వాత తనని తాను చాలా మార్చుకున్నాడు. కానీ టాస్క్ ఇచ్చిన సమయంలో గాని ప్రత్యర్థులను ఎన్ని విమర్శలు చేసిన తర్వాత వారితోనే మాట్లాడే విధానం గాని సోహెల్ విషయంలో ఆడియన్స్ ఎంతగానో కనెక్ట్ అయ్యారు.
అతను ఖచ్చితంగా టాప్ ఫైవ్ లో వెళ్లాలి, బిగ్ బాస్ హౌస్ కి అన్ని విధాల అర్హత ఉంది సోహెల్ కి…ఎలాంటి గేమ్ ప్లాన్ లేకుండా బరాబర్, ఏ విషయమైనా మొహం మీద చెబుతూ జెన్యూన్ గేమ్ ఆడుతున్నారని బయట జనాలు భావిస్తున్నారు.
ఇదిలా ఉంటే స్నేహం పేరిట తాజాగా సోహెల్ అసలు గేమ్ మీద దృష్టి పెట్టడం లేదని… అతనిలో మార్పు రాకపోతే అతను ఎవరైతే ఫ్రెండ్స్ అనుకుంటున్నారో వాళ్లే ముంచేయడం గ్యారెంటీ అని బయట జనాలు తాజాగా బిగ్ బాస్ హౌస్ లో సోహెల్, అఖిల్, మెహబూబ్ ల మధ్య చోటు చేసుకున్న సంఘటనలు గురించి కామెంట్ చేస్తున్నారు. సోహెల్ త్యాగం చేసిన అఖిల్, మెహబూబ్ లలో ఎవరు తగ్గకపోవడంతో ఆడియన్స్ సోహెల్ పై మండి పడుతున్నారు. ఈ పరిణామంతో ఈ వారం కెప్టెన్ లేకుండానే హౌస్ మొత్తం నడిచే పరిస్థితి తెచ్చుకున్నారు. మొత్తానికి సోహెల్ చేసిన త్యాగం వృధా అయ్యేలా చేశారు. దీంతో సోహెల్ ఇంకా ఫ్రెండ్షిప్ అని కాకుండా ఆట పై దృష్టి పెడితే బాగుంటుందని బయట సపోర్టర్స్ కోరుతున్నారు.