బిగ్ బాస్ హౌస్ లో రసవత్తరంగా టాస్క్ లు ఇంటి సభ్యుల చేత ఆడిస్తున్నాడు బిగ్ బాస్. కొన్ని టాస్క్ లు పాతవి అయినాగాని ప్రేక్షకులను బాగా ఎంటర్టైన్ చేస్తున్న తరుణంలో షో కి మంచి రెస్పాన్స్ వస్తుంది. ఒకపక్క ఐపిఎల్ మ్యాచ్ లు కొనసాగుతున్న గాని షోకి బయట ఆడియన్స్ బ్రహ్మరథం పడుతున్నారు. కాగా ప్రస్తుతం ఏడో వారంలో దిగ్విజయంగా కొనసాగుతున్న ఈ షోలో బలమైన కంటెస్టెంట్ గా ముందు నుండి రాణిస్తున్న నోయెల్ అనారోగ్య పాలవడం తో ఆయన అభిమానులు నిరుత్సాహం చెందినట్లు వార్తలు వస్తున్నాయి.
మొదటి నుండి నోయల్ హెల్త్ విషయంలో ప్రాబ్లం ఉందని ఇంటిలో… కొన్ని టాస్క్ లు ఆడే సమయంలో కొందరు చేసిన కామెంట్లకు వివరణ ఇస్తూనే ఉన్నారు. తన హెల్త్ కండిషన్ కి మించి తాను హౌస్ లో 100% గేమ్ ఆడుతున్నట్లు వివరణ ఒకనొక సందర్భంలో నోయల్ ఇవ్వడం జరిగింది. ఇదిలా ఉండగా స్కూల్ పిల్లలు కేర్ టేకర్ గేమ్ లో… నోయల్ కు ఆరోగ్యం బాగా లేకపోవడంతో ఆయన స్థానంలో అభిజిత్ కేర్ టేకర్ గా వ్యవహరించాడు.
భుజాలు కదలటం లేదని, మెడ పై నరాలు పట్టేశాయి అని, కాళ్ళు నడవడానికి కూడా రావట్లేదని నోయల్ బాధపడ్డాడు. రాత్రంతా నిద్ర లేకపోవడం తో భవిష్యత్తులో పెద్దది కాకుండా చూసుకోవాలని అభి అతడికి సలహా ఇవ్వటం జరిగింది. మరోపక్క బిగ్ బాస్ కూడా నోయెల్ కి విశ్రాంతి కల్పించాడు. పరిస్థితి ఇలా ఉండగా .. ఇంకా ఏ విధంగా రెండు రోజులు కొనసాగితే ఇంటి నుంచి ఆ కంటెస్టెంట్ బయటకు వెళ్లే ఛాన్స్ ఉందని సరికొత్తగా టాక్ వస్తోంది.